મોરબીના યમુનાનગરમાંથી દેશી તમંચા સાથે એકની અટકાયત

16/10/2020 at 10:20 am

- text

મોરબી : મોરબી એસ.ઓ.જી. દ્વારા મોરબીની યમુનાનગર સોસાયટીમાંથી ગેરકાયદેસર હથીયાર દેશી તમંચા સાથે એક ઇસમને પકડી પાડવામાં આવ્યો છે.

ગત તા. 15ના રોજ મોરબી એસ.ઓ.જી. સ્ટાફ મોરબીમાં બી ડીવીઝન વિસ્તારમાં પેટ્રોલીંગમાં હતા. આ દરમ્યાન સ્ટાફને મળેલ ખાનગી હકિકત આધારે મોરબીના વીસીપરામાં આવેલ યમુનાનગર સોસાયટીમાં આરોપી સાજીદ ઉર્ફે સાજલો સાઉદીનભાઇ ઝેડા (ઉ.વ. 21, રહે. યમુનાનગર, મુળ ગામ નવાગામ તા. માળીયા)ને ગે.કા. દેશી બનાવટની 12-બોર તમંચો નંગ-1 (કી.રૂ. 5000) સાથે મળી આવતા આર્મ્સ એકટ મુજબ ધોરણસર કાર્યવાહી કરી મોરબી બી ડીવીઝન પોલીસ સ્ટેશનમાં ગુનો રજીસ્ટર કરાવેલ છે.