- text
મોરબી : મોરબી જિલ્લામાં વરસાદના શરુ થયેલા બીજા રાઉન્ડમાં મેઘરાજાએ કૃપા વરસવાનું શરુ કર્યું છે. જેમાં ગુરુવારના સાંજના 6 વાગ્યાથી રાત્રીના 8 વાગ્યા સુધીમાં મોરબી અને હળવદમાં વધુ એક એક ઇંચ અને ટંકારામાં વધુ અડધો ઇંચ તેમજ વાંકાનેરમાં માત્ર ઝરમર વરસાદ નોંધાયો છે.
- text
મોરબી જિલ્લામાં છેલ્લા બે દિવસથી વરસાદી માહોલ સર્જાયો છે. ત્યારે જો છેલ્લા 2 કલાકમાં એટલે કે ગુરુવાર સાંજના 6 થી 8 વાગ્યા સુધીમાં પડેલા વરસાદના આંકડા પર નજર નાખીએ તો મોરબીમાં 27 mm, વાંકાનેરમાં 05 mm, હળવદમાં 27 mm, ટંકારામાં 14 mm વરસાદ નોંધાયો છે. માળીયામાં વરસાદ નોંધાયો નથી. જયારે મોરબીમાં એક કલાકમાં એક ઇંચ વરસાદથી શહેરમાં પાણી પાણી થઇ ગયું હતું અને ભારે ટ્રાફિક જામ સર્જાયો હતો. જોકે રાત્રીના 8 વાગ્યા પછી વરસાદ ધીમો પડતા તંત્ર અને લોકોએ રાહતનો શ્વાસ લીધો હતો.
- text
