- text
એ ડિવિઝન હેઠળના વિસ્તારમાં ત્રણ મકાનના તાળા તૂટ્યા બાદ ચોરીની બીજી ઘટના સામે આવી
મોરબી : મોરબીના એ ડિવિઝન હેઠળના વિસ્તારમાં તસ્કરોએ ઘર કરી લીધું હોય તેમ ચોરીની વરદાતોને એક પછી એક અંજામ આપીને એ ડિવિઝન પોલીસના નાઈટ પેટ્રોલિંગ પર સવાલ ખડાં કરી દીધા છે જેમાં બે દિવસ પૂર્વે ત્રણ મકાનના તાળા તોડી ૩૪ હજારની મત્તાની ચોરીની ઘટનાંની હજુ સુધી પોલીસે ફરિયાદ નોંધી નથી ત્યાં જ વધુ એક બોલેરો કારની ચોરીને તસ્કરોએ અંજામ આપતા પોલીસની કામગીરી સામે અનેક સવાલો ઉભા થયા છે.
- text
બનાવની પ્રાપ્ત વિગત અનુસાર મોરબીના રવાપર ગામ નજીક રવાપર રેસિડેન્સીમાં આવેલ સિદ્ધિવિનાયક એપાર્ટમેન્ટમાં રહતા અને કોન્ટ્રાક્ટરનો વ્યવસાય કરતા મિતુલ સુરેશભાઈ રાવલ ઉ.વ.૨૭ મૂળ દાઉદપુર તા.શમી જી.પાટણ વાળાએ એ ડિવિઝન પોલીસમથકે ફરિયાદ નોંધાવી છે કે ગત રાત્રીના ૧૨:૩૦ વાગ્યાથી સવારના ૭ વાગ્યાની વચ્ચે અજાણ્યા ઈસમો તેની ચાર લાખની કિંમતની સફેદ કલરની બોલેરો કાર નંબર જીજે૨૪ એએ ૬૨૮૪ ચોરી કરી નાસી છૂટ્યા છે.
એ ડિવિઝન પીએસઆઇ એમ.વી.પટેલે ભોગ બનનારની ફરિયાદ પરથી વધુ તાપસ હાથ ધરી છે. અત્રે ઉલ્લેખનીય છે કે એ ડિવિઝન પોલીસ મથક હેઠળ આવતા પટેલનગર વિસ્તારમાં એકસાથે ૩ મકાનના તાળા તૂટ્યા હતા. તસ્કરોએ આ ત્રણેય મકાનમાંથી રૂ. ૩૭ હજાર રોકડ અને એક બાઈકની ચોરી કરી હતી. આ ઘટના બાદ પોલીસે માત્ર અરજી લઈને જ સંતોષ માન્યો હતો. તેવામાં વધુ એક ચોરીનો બનાવ સામે આવતા પોલીસના નાઈટ પેટ્રોલિંગ સામે લોકોમાં અનેક સવાલો ઉભા થઈ રહ્યા છે.
- text
