- text
અકસ્માત સર્જી આઇવા ડમ્પર ચાલક નાસી છૂટ્યો : બેકાબુ ડમ્પરે એસટી બસને પણ હડફેટે ચડાવ્યાની ચર્ચા
ટંકારા : રાજકોટ મોરબી હાઇવે ઉપર માતેલા સાંઢની જેમ પુરપાટ ઝડપે પસાર થતા આઇવા ડમ્પર ચાલકે ટંકારા બાર નાલા નજીક અચાનક બ્રેક મારતા કારમાં સવાર પિતા-પુત્રી ઘાયલ થયા હતા, જો કે અકસ્માત સર્જી ડમ્પર ચાલક નાસી ગયો હતો. આ અકસ્માતમાં ઘાયલ પિતા-પુત્રીને રાજકોટ ખસેડવામાં આવ્યા છે અને હાલ પિતાની હાલત ગંભીર ગણાવાઈ રહી છે.
બનાવ અંગે જાણવા મળતી વિગતો મુજબ આજે ઢળતા મધ્યાહને મોરબીથી રાજકોટ તરફ જઈ રહેલ આઇવા ડમ્પરે ટંકારા બાર નાલા નજીક અચાનક જ બ્રેક મારતાં પાછળ આવી રહેલ કાર ડમ્પર પાછળ ઘુસી ગઈ હતી. આ અકસ્માતમાં કારમાં બેઠેલા પિતાપુત્રી ઘાયલ થયા હતા જેમાં પિતાની હાલત ગંભીર હોવાનું જાણવા મળે છે. અકસ્માતની જાણ થતા જ 108 ટીમ ઘટના સ્થળે પહોંચી હતી અને બન્ને ઇજાગ્રસ્તોને રાજકોટ લઈ જવાયા હતા.
- text
વધુમાં અકસ્માત સર્જ્યા બાદ નાસી છૂટેલા કાળમુખા આઇવા ડમ્પર ચાલકે આગળ જતા એક એસટી બસ સાથે પણ અકસ્માત સર્જ્યો હોવાનું ભાર આવ્યું છે. બનાવની જાણ થતા ટંકારા પોલીસ કાફલો ઘટનાસ્થળે પહોંચી ગયો હતો.
- text
