- text
મોરબી : મોરબી તાલુકાના પાનેલી ગામ પાસે રૂ. 1.18 લાખનો વિદેશી દારૂ ભરેલી બોલેરો કાર પકડાઈ છે. તાલુકા પોલીસે રૂ. 4.18 લાખનો મુદ્દામાલ કબ્જે કરી બોલેરો કારના ચાલક વિરુદ્ધ ગુનો દાખલ કરી તેની શોધખોળ હાથ ધરી છે.
- text
પ્રાપ્ત થતી વિગત મુજબ મોરબી તાલુકા પોલીસે પાનેલી ગામ પાસે ધામેણીયા જવાના રસ્તેથી જીજે 12 એવી 4097 નંબરની બોલેરો કારમાંથી 348 બોટલ દારૂ કિંમત રૂ. 1.18 લાખનો જથ્થો પકડી પાડ્યો છે. પોલીસર દારૂ સાથે રૂ. 3 લાખની કિંમતની બોલેરો કાર મળી કુલ રૂ. 4.18 લાખનો મુદ્દામાલ કબ્જે કર્યો છે. આ કામગીરીમાં તાલુકા પોલીસના સબ ઇન્સ્પેકટર ડી.વી. ડાંગર, હેડ કોન્સ. નગીનદાસ નિમાવત, દિનેશભાઈ બાવળીયા, જુવાનસિંહ ઝાલા, હિતેશભાઈ મકવાણા, કોન્સ. દિવ્યરાજસિંહ જાડેજા, ફતેસંગ પરમાર, હિતેશભાઈ ચાવડા, યોગીરાજસિંહ જાડેજા, ભરતદાન ગઢવી અને અરવિંદ બેરાણી રોકાયેલ હતા.
- text
