- text
મોરબી : મોરબી શહેરના શનાળા રોડ ઉપર નવા બસ સ્ટેન્ડ સામે સ્વીફ્ટ કારના ચાલકે બુલેટ ચાલક બે યુવાનોને પાછળથી ઠોકરે ચડાવતા બંને યુવાનો નીચે રોડ ઉપર પટકાયા હતા. જેમાં બંને યુવાનોને ફ્રેકચર જેવી ઈજાઓ પહોંચતા સ્વીફ્ટ કારના ચાલક વિરુદ્ધ ફરિયાદ નોંધાઈ છે.
- text
પ્રાપ્ત વિગતો મુજબ મોરબીના શનાળા રોડ ઉપર નવા બસ સ્ટેન્ડ સામે સરદાર પટેલ સર્કલ બાજુમાં સ્વીફ્ટ કાર રજી. જીજે-૦૩-એનબી-૨૮૮૮ ના ચાલકે પોતાની કાર પુરપાટ ગતિએ ચલાવી બુલેટ રજી.નં જીજે-૦૩-એચબી-૪૯૨૦ માં સવાર બે યુવાનોને પાછળથી ટક્કર મારી નીચે પછાડી દઈ બંને યુવાનોને શરીરે ફ્રેકચર તેમજ નાની મોટી ઈજાઓ પહોંચાડી હતી. સમગ્ર બનાવ બાબતે ઈજાગ્રસ્ત નરેશભાઈ સુરેશભાઈ જંજવાડીયા ઉવ.૨૦ રહે.મોરબી વીશીપરા ધોળેશ્વર રોડ મેલડી માતા મંદીર પાસે વાળાએ આરોપી સ્વીફ્ટ કારના ચાલક વિરુદ્ધ મોરબી એ ડિવિઝન પોલીસ મથકમાં ફરિયાદ નોંધાવતા પોલીસે ગુન્હો નોંધી ધોરણસરની કાર્યવાહી હાથ ધરી છે.
- text
