- text
ટંકારા તાલુકાના નેકનામ ગામે ખરાબાની જમીન ઉપર દુકાન બનાવતા મામલતદારે નોંધાવી ફરિયાદ
ટંકારા : સરકારી ખરાબાની જમીનને પૂર્વજોની મિલકત સમજી આડેધડ કરાતા બાંધકામ સામે ટંકારા મામલતદારે લાલ આંખ કરી આવા કિસ્સામાં તાલુકાના નેકનામ ગામે ખરાબાની જમીનમાં બે શટર વાળી દુકાન બનાવનાર ત્રણ વિરુદ્ધ લેન્ડ ગ્રેબિંગ એકટ અન્વયે ફરિયાદ નોંધાવી છે.
- text
પ્રાપ્ત વિગતો મુજબ ટંકારા તાલુકાના નેકનામ ગામે સરકારી ખરાબાની જમીન ઉપર શક્તિસિંહ ઉર્ફે કૃષ્ણસિંહ ભાવુભા ઉર્ફે ભવાનસિંહ ઝાલા, યુવરાજસિંહ ઉર્ફે વિરેન્દ્રસિંહ ભાવુભા ઉર્ફે ભવાનસિંહ ઝાલા અને કુલદીપસિંહ ઉર્ફે યશપાલસિંહ ભાવુભા ઉર્ફે ભવાનસિંહ ઝાલા નામના ત્રણ ભાઈઓએ બે શટર વાળી દુકાન બનાવી હોવાની ફરિયાદ મળતા ટંકારા મામલતદાર કેતન સખિયા દ્વારા ટંકારા પોલીસ મથકમાં ત્રણેય વિરુદ્ધ લેન્ડ ગ્રેબિંગ એકટ અન્વયે ફરિયાદ નોંધાવી કાયદેસરની કાર્યવાહી હાથ ધરી હતી.
- text
