- text
વાંકાનેર : કેન્દ્ર સરકારે પસાર કરેલા કૃષિ સંબધિત ત્રણ કાયદાઓનો ખેડૂતો દ્વારા ભારે વિરોધ કરવામાં આવી રહ્યો છે.જેમાં દિલ્હી તથા પંજાબમાં કૃષિ કાયદાઓ પરત ખેંચવાની માંગ સાથે કિસાન આંદોલન વેગ પકડી રહ્યું છે.ત્યારે કોંગ્રેસે આ ખેડૂત આંદોલનને ટેકો જાહેર કર્યો છે.તેથી આજે વાંકાનેરમાં કોંગ્રેસ દ્વારા કૃષિ કાયદાઓના વિરોધમાં ચક્કાજામ કરીને કૃષિ કાયદાની હોળી કરવામાં આવી હતી.
- text
વાંકાનેર તાલુકા કોંગ્રેસ સમિતિ દ્વારા આજે વાંકાનેરના ધારાસભ્ય મહમદ જાવીદ પીરજદાના માર્ગદર્શન હેઠળ કૃષિ કાયદાઓના વિરોધમાં વાંકાનેર ખાતે રસ્તા રોકો આંદોલન કરવામાં આવ્યું હતું અને ખેડૂત વિરોધી કૃષિ કાયદાની હોળી કરવામાં આવી હતી. કેન્દ્ર સરકારના આ ખેડૂત વિરોધી કાયદાનો.કોંગ્રેસ દ્વારા ભારે વિરોધ કરવામાં આવ્યો હતો અને આ કૃષિ કાયદો ખેડૂતો માટે નુકસાનકારક હોવાનું જણાવીને સરકાર સમક્ષ આ કૃષિ કાયદાને પરત ખેંચવાની માંગણી કરી હતી.
- text
