વન મહોત્સવ અંતર્ગત મોરબીમાં DySP કચેરી ખાતે અધિકારીઓ અને અગ્રણીઓએ વૃક્ષારોપણ કર્યું

08/09/2020 at 5:41 pm

- text

અધિક કલેક્ટર, પોલીસ વડા, પોલીસકર્મીઓ, ભાજપ અગ્રણીઓ સહીતનાઓ હાજર રહ્યા

મોરબી : વન મહોત્સવ અંતર્ગત મોરબીમાં DySP કચેરી ખાતે આજે વૃક્ષારોપણનો કાર્યક્રમ રાખવામાં આવ્યો હતો. જેમાં અધિક કલેક્ટર, પોલીસ વડા, ભાજપ અગ્રણીઓ સહીતનાઓ હાજર રહ્યા હતા.

વન મહોત્સવ અંતર્ગત આજે તા. 8ના રોજ મોરબીમાં DySP કચેરી ખાતે અગ્રણીઓએ વૃક્ષારોપણ કર્યું હતું. આ વૃક્ષારોપણ કાર્યક્રમ અંતર્ગત 50થી વધુ વૃક્ષો કચેરીના પટાંગણમાં અને કચેરીની આજુબાજુના વિસ્તારમાં વાવવામાં આવ્યા હતા. આ તકે અધિક કલેક્ટર કેતન જોશી, પોલીસ વડા સુબોધ આર. ઓડેદરા, DySP રાધિકા ભારાઈ, સાંસદ મોહનભાઇ કુંડારીયા, જિલ્લા ભાજપ પ્રમુખ રાઘવજીભાઈ ગડારા, ડેપ્યુટી કલેક્ટર એસ. જે. ખાચર, જિલ્લા પંચાયત પ્રમુખ કિશોરભાઈ ચીખલીયા, મોરબી નગરપાલિકા પ્રમુખ કેતન વિલપરા, જિલ્લા આરોગ્ય અધિકારી જે. એમ. કતીરા, LCB-SOG સહિતના પોલીસ સ્ટાફ સહીતના લોકો દ્વારા વૃક્ષો વાવવામાં આવ્યા હતા.