- text
પતિએ શાકમાં ટામેટાં નાખ્યા તો સુખી લગ્નજીવનમાં ટામેટાંને કારણે તિરાડ પડી ગઈ
મોરબી : ટામેટાંના સતત વધી રહેલા ભાવ લોકોના જીવનને પ્રભાવિત કરવાની સાથે-સાથે લોકોના પારિવારિક જીવનને પણ સીધી અસર કરી રહ્યા છે ત્યારે મધ્ય પ્રદેશના શહડોલ જિલ્લામાં પતિએ પત્નીને પૂછ્યા વગર શાકમાં ટામેટાં નાખ્યા તો પત્નીનો ગુસ્સો સાતમા આસમાને પહોંચી ગયો અને તે પતિનું ઘર છોડીને જતી રહી. હવે, મામલો પોલીસ મથકે પહોંચી ચૂક્યો છે અને પતિએ પોતાની પત્નીને શોધી આપવા પોલીસને વિનંતી કરતા ફરિયાદ નોંધાવી છે.
શહડોલ જિલ્લાના બેમહોરી ગામમાં રહેતો સંજીવ વર્મા એક નાનકડા ઢાબાનો માલિક છે. સાથે જ ટિફિન સર્વિસ પણ ચલાવે છે. બે દિવસ પહેલા તેણે પોતાની પત્નીને પૂછ્યા વિના શાકમાં ટામેટાં નાખી દીધા હતા. જ્યારે આ વાતની જાણ તેની પત્નીને થઈ તો તે ગુસ્સાથી લાલચોળ થઈ ગઈ અને દીકરીને લઈને ઘર છોડીને જતી રહી. પતિ પોતાની ભૂલ માટે માફી માગતો રહ્યો, પરંતુ પત્નીએ તેની કોઈ વાત ન સાંભળી અને ઘર છોડીને ક્યાંક ચાલી ગઈ.બાદમાં સંજીવ ધનપુરી પોલીસ મથક પહોંચ્યો અને પત્નીને શોધી આપવા પોલીસને અરજી કરી છે.
- text
હાલમાં પોલીસ તેની ફરિયાદ નોંધી તેની પત્નીને શોધવા તજવીજ હાથ ધરી છે. આ સમગ્ર મામલે ધનપુરી પોલીસ સ્ટેશનના ઈન્ચાર્જ સંજય જયસ્વાલે જણાવ્યું કે, પતિએ ફરિયાદ આપી છે. તેની પત્ની ટામેટાંને કારણે ઝઘડો થતા ઘર છોડીને જતી રહી છે. ફરિયાદમાં પતિએ જણાવ્યું કે, શાકમાં તેણે ત્રણ ટામેટાં નાખ્યા હતા, જેનાથી પત્ની ગુસ્સે થઈને ઘર છોડીને જતી રહી છે. તેની પત્ની ઉમરિયા જિલ્લામાં ગઈ છે. તેમણે જણાવ્યું કે, પત્નીને સમજાવવાનો પ્રયાસ કરાયો છે અને તે જલદી ઘરે પાછી આવી જશે.જો….જો…. હો મોરબી વાળા તમે આવું ના કરતા !!
- text
