- text
મોરબી ગ્રામ્યમાં 10 કેસ, મોરબી શહેરમાં 6 કેસ, ટંકારા ગ્રામ્ય અને હળવદ ગ્રામ્યમાં 1-1 કેસ, માળિયા ગ્રામ્યમાં 4 કેસ
મોરબી : મોરબી જિલ્લામાં કોરોનાના કેસો હવે અટકવાનું નામ લેતા નથી. જિલ્લામાં આજે ફરી નવા 22 કેસ નોંધાયા છે. સામે એક્ટિવ કેસ થોડા જ દિવસોમાં છેક 148એ પહોંચી ગયા છે.
મોરબી જિલ્લામાં આરોગ્ય વિભાગ દ્વારા આજે 1033 શંકાસ્પદ દર્દીઓના સેમ્પલ લેવામાં આવ્યા હતા. જેમાંથી 22 શંકાસ્પદ દર્દીઓના રિપોર્ટ પોઝિટિવ આવ્યા છે. મોરબી ગ્રામ્યમાં 10, મોરબી શહેરમાં 6 કેસ, ટંકારા ગ્રામ્ય અને હળવદ ગ્રામ્યમાં 1-1 કેસ તેમજ માળિયા ગ્રામ્યમાં 4 કેસ નોંધાયા છે. જ્યારે વાંકાનેર શહેર, વાંકાનેર ગ્રામ્ય, હળવદ શહેર, ટંકારા શહેર તથા માળિયા શહેરમાં એક પણ કેસ નોંધાયો નથી.
- text
આજે 17 દર્દીઓ રિકવર થયા છે એટલે એક્ટિવ કેસની સંખ્યા આજની સ્થિતિ 148એ પહોંચી ગઈ છે. ઉલ્લેખનીય છે કે મોરબી જિલ્લામાં છેલ્લા થોડા દિવસથી કોરોના કેસમાં ધરખમ વધારો નોંધાયો છે. જેથી લોકોએ હવે તકેદારી રાખવું જરૂરી બન્યું છે.
- text
