- text
વાંકાનેરમાં ભરબજારે એસટીનો ડામચિયો બંધ પડી જતા મુસાફરોને ધક્કા લગાવવા પડ્યા : એસટીની પ્રતિષ્ઠાને બટ્ટો
વાકાનેર : ગુજરાત એસટી દ્વારા સલામત સવારી એસટી અમારી સૂત્રને વહેતુ મૂક્યું છે ત્યારે આજે વાંકાનેરની ભરબજારે એક ડામચિયા જેવી એસટી બસ બંધ પડી જતા મુસાફરોને ધક્કા લગાવવા પડ્યા હતા. આ દ્રશ્યો જોતા મુસાફરોએ જ એસટીને સલામત સવારી એસટી અમારી… બંધ પડે તો ધક્કા મારવાની જવાબદારી મુસાફરોની એવું નવું સૂત્ર આપ્યું હતું.
ગુજરાત રાજ્ય માર્ગ વાહન વ્યવહાર નિગમને ખોતરી રહેલા એસટીના બાબુઓ બસને ધક્કા લાગતા હોય તેવા વિડીયો વાયરલ થાય તો નિર્દોષ એસટી ચાલકને ડિસમિસ કરવા સુધીના પગલાં લઈ રહ્યા છે ત્યારે આજે વાંકાનેરમાં બપોરના સમયે બજારની વચ્ચોવચ ડામચિયા જેવી જૂની બસ બંધ પડી જતા બસમાં બેઠેલા મુસાફરોને ધક્કા મારવા પડ્યા હતા.
- text
ઉલ્લેખનીય છે કે આ અગાઉ મોરબી બસસ્ટેન્ડમાં ધક્કા ગાડીના વિડીયો વાયરલ થતા એસટીની પ્રતિષ્ઠાનો ઠેકો લઈને બેઠેલા ડેપો મેનેજર શામળાએ એસટીની પ્રતિષ્ઠાને ઝાંખપ લાગી હોવાનો આરોપ લગાવી એસટીના ડ્રાઇવરને બરતરફ કરાવી નાખ્યા છે ત્યારે આવી ભંગાર બસ રૂટ ઉપર ચલાવી મુસાફરોના જીવ ઉપર જોખમ સર્જતાં ડેપો મેનેજર વિરુદ્ધ પણ પગલાં લેવાવા જ જોઈએ તેવું મુસાફરો જણાવી રહ્યા છે.
મોરબી અપડેટના વિડિઓ ન્યુઝ અને સ્પેશિયલ માહિતીપ્રદ વિડિઓ સ્ટોરી જુઓ Morbi Updateની યૂટ્યૂબ ચેનલ પર..
આપના મોબાઈલમાં યૂટ્યૂબની એપ્લીકેશન ઓપન કરી તેમાં Morbi Update સર્ચ કરી અમારી ચેનલ સબસ્ક્રાઇબ કરીને બેલ આઈકન પર ક્લીક કરવા વિનંતી..
- text
