- text
પીટોલ-ભુજ રૂટની એસટી બસને નડ્યો અકસ્માત : પાંચ ઈજાગ્રસ્ત
હળવદ: આજે વહેલી સવારના હળવદ હાઈવે ઉપર આવેલ મોરબી ચોકડી નજીક રોડ પર બંધ પડેલા ટ્રક પાછળ એસટી બસ ધડાકાભેર અથડાતા ગંભીર અકસ્માત સર્જાયો હતો અકસ્માતમાં એસટી બસમાં સવાર એક મહિલાનું ઘટનાસ્થળે જ મોત નીપજ્યું છે જ્યારે અન્ય પાંચ વ્યક્તિઓને ઇજાઓ પહોંચી હોવાનુ જાણવા મળ્યું છે
બનાવની વધુ જાણવા મળતી વિગતો મુજબ આજે વહેલી સવારના પીટોલ ભુજ રૂટની એસટી બસ હળવદ થી ભુજ તરફ જવા નીકળી હતી ત્યારે હળવદ નજીક આવેલ મોરબી ચોકડી પાસે રોડ પર ટ્રક પાછળ એસટી બસ ધડાકા ભેર અથડાતા ગંભીર અકસ્માત સર્જાયો હતો અને આ અકસ્માતમાં એસટી બસમાં સવાર એક મહિલાનું ઘટનાસ્થળે જ કમકમાટીભર્યુ મોત નીપજયું હતું જ્યારે પાંચ મુસાફરોને ગંભીર ઈજાઓ પહોંચતા તેઓને સારવાર માટે પ્રથમ વખત સરકારી હોસ્પિટલ ખાતે લઇ જવામાં આવ્યા હતા
બનાવને પગલે ટાઉન બીટ જમાદાર ભરતભાઈ આલ સહિતનો પોલીસ સ્ટાફ ઘટના સ્થળે દોડી જઇ આગળની તપાસ હાથ ધરી હતી અત્રે ઉલ્લેખનીય છે કે ટ્રક પાછળ એસટી બસ અથડાતા ઇજાગ્રસ્તોને ભારે મહેનત બાદ એસટી બસમાંથી બહાર કાઢવામાં આવ્યા હોવાનું જાણવા મળ્યું છે
- text
આ ગંભીર અકસ્માતમાં માજમબેન નાનજીભાઈ ડિંડોર ઉ.૪૦ રહે સંતરામપુર નું ઘટનાસ્થળે જ મોત નીપજ્યું હતું જ્યારે મુકેશભાઈ ધનજીભાઈ સીંગાડીયા ઉ.૩૦ રહે.એમ.પી,રાહુલભાઈ પારસીંગભાઈ ડામોર ઉ.૧૭ રહે.એમ.પી,સોમલાભાઈ પાવરીભાઈ વાખલા ઉ.૩૩ રહે.પરવઠ, નાનજીભાઈ ધાનાભાઈ ડીંડોર ઉ.૫૦ રહે. મહિસાગર, મોનુભાઈ રમેશભાઈ ડામોર ઉ.૨૧ રહે.એ.પી.. સહિત પાંચ લોકોને ઈજા પહોંચી હતી.
- text
