ટંકારા : હાથરસમાં યુવતી સાથે દુષ્કર્મ અને રાપરમાં વકીલની હત્યાના વિરોધમાં મામલતદારને આવેદન

08/10/2020 at 5:15 pm

- text

ટંકારા : હાથરસમાં યુવતી સાથે દુષ્કર્મ અને રાપરમાં વકીલની હત્યાના વિરોધમાં ટંકારા વાલ્મિકી સમાજ મંડળ દ્વારા ટંકારા મામલતદારને આવેદન પત્ર પાઠવવામાં આવેલ છે.

આ આવેદન પત્રમાં જણાવ્યું છે કે ઉત્તરપ્રદેશના હાથરસમાં ગત તા. 14ના રોજ મનીષાબેન સાથે સામુહિક દુષ્કર્મ કરી તેને મોતને ઘાટ ઉતારવામાં આવી હતી. આ બનાવના તમામ નરાધમોને કડકમાં કડક સજા કરવામાં આવે તથા આ બનાવનો કેસ ફાસ્ટ ટ્રેક કોર્ટમાં ચલાવી તાત્કાલિક ન્યાય આપવા આપવા માંગ કરી હતી. તેમજ પીડિતાના પરિવારને કાયદાકીય રક્ષણ આપી, સરકારી નિયમ મુજબ વળતર આપી અને પરિવારજનોને નોકરી અપાવી આ કેસને સુપ્રીમ કોર્ટની નજર હેઠળ તપાસ કરવામાં આવે.

આ ઉપરાંત, હાલમાં રાપરમાં બનેલ ઘટના કે જેમાં વકીલ દેવજીભાઈ મહેશ્વરીની હત્યા કરવામાં આવી હતી. તેઓ અનુસૂચિત જાતિના સામાજિક અગ્રણી પણ હતા. આમ, આ બંને મામલે વિરોધ દર્શાવી બંને ઘટનામાં ભોગ બનનાર મૃતકોને અને તેના પરિવારજનોને ન્યાય આપવામાં આવે તેવી રજૂઆત કરવામાં આવી છે.

- text