મોરબીમાં ઉમિયા નવરાત્રી મહોત્સવનું આયોજન મોકૂફ રખાયું

12/09/2020 at 10:44 am

- text

મોરબી : માં આદ્યશક્તિની આરાધના અને ઉપાસના મહાપર્વ સમાન નવરાત્રિ મહોત્સવને હજુ વાર છે. પણ આ વખતે કોરોનાની મહામારીના કારણે તમામ ધાર્મિક ઉત્સવો કેન્સલ કરવામાં આવ્યા હોવાથી આગામી સમયમાં નવરાત્રી મહોત્સવને સરકાર મંજૂરી આપે કે ન આપે તે પહેલાં જ નવરાત્રી મહોત્સવના આયોજકો કોરોના કાળમાં જાહેર હિતની સલામતી માટે આ વર્ષે નવરાત્રી મહોત્સવના આયોજન રદ કરવાની જાહેરાત કરી રહ્યા છે. જેમાં મોરબીમાં પાટીદાર નવરાત્રી મહોત્સવને મોકૂફ રાખવાની જાહેરાત કરાયા બાદ ઉમિયા નવરાત્રી મહોત્સવનું આયોજન પણ આ વર્ષે મોકૂફ રાખવાનો આયોજકો દ્વારા નિર્ણય જાહેર કરવામાં આવ્યો છે.