- text
વાંકાનેર : તાલુકા પોલીસે પ્રોહીબિશનને લગતા ત્રણ અલગ-અલગ બનાવોમાં ત્રણ આરોપીઓની અટકાયત કરી કુલ 72,500નો મુદ્દામાલ જપ્ત કરી ધોરણસરની કાર્યવાહી હાથ ધરી છે.
31 ડિસેમ્બરને અનુલક્ષીને મોરબીના તમામ તાલુકાના પોલીસ મથકોને એલર્ટ રહેવા પો.અધિક્ષક ડૉ. કરનરાજ વાઘેલાએ સૂચના આપતા હાઇવે સહિતના માર્ગો પર પોલીસ દ્વારા ચેકીંગ ડ્રાઇવ હાથ ધરાઈ રહી છે. ત્યારે વાંકાનેર તાલુકામાંથી ત્રણ અલગ-અલગ બનાવોમાં પોલીસે પ્રિહીબિશન એક્ટ હેઠળ નીતિન જયંતીભાઈ સોલંકી રહે. હાલ. સિક્કા, જામનગર પાસેથી પાર્ટી સ્પેશિયલ ડીલક્ષ વ્હીસ્કી બોટલ નંગ 5 કિંમત રૂ. 1500 તથા મેકડોનલ્સ નંબર 1 સુપીરિયર વ્હીસ્કી બોટલ નંગ 1 કિંમત રૂ.300 અને હિરો સ્પ્લેન્ડર બાઇક કિંમત રૂ. 30000 સાથે ઝડપી પાડ્યો છે.
- text
બીજા બનાવમાં ચિરાગ પ્રહલાદભાઈ મેવાડા રહે. કલોલ, જી. ગાંધીનગર વાળાને મેકડોવેલ ગ્રીન લેબલ એક્સપર્ટ વ્હીસ્કીની બોટલ નંગ 1 કિંમત રૂ.300 તથા હેવર્ડ 5000 બિયર ટીન નંગ 2 કિંમત. રૂ.200 અને મારુતિ એસ્ટીમ કાર કિંમત રૂ. 40000 સાથે અટકાયત કરેલ છે.
જ્યારે ત્રીજા બનાવમાં પ્રીતેશ જયેશભાઇ ટીલવા રહે. લીંબુડા તા. માણાવદર, જી. જૂનાગઢ વાળાને બિયર બોટલ નંગ 2 કિંમત રૂ. 200 સાથે ઝડપી પાડી આગળની કાર્યવાહી હાથ ધરી છે.
- text
