- text
વાંકાનેર : કોરોના મહામારીમાં હવા અને દવાની સાથે સાથે બ્લડ અને પ્લાઝમાની પણ ખૂબજ આવશ્યકતા છે ત્યારે આજે વાંકાનેર ખાતે આરએસએસ આયોજિત બ્લડ અને પ્લાઝમા ડોનેશન કેમ્પમાં મોરબી જિલ્લાના રાષ્ટ્રીય શૈક્ષિક મહાસંઘના આગેવાનોએ પ્લાઝમાં ડોનેટ કરી સામાજિક ઉત્તરદાયિત્વ નિભાવ્યું છે.
રાષ્ટ્રીય સ્વંયમ સેવક સંઘ પ્રેરિત ડો.હેડગેવાર જન્મ શતાબ્દી સમિતિ – સૌરાષ્ટ્ર પ્રાંત તથા વેદ માતા ગાયત્રી પબ્લિક ચેરીટેબલ ટ્રષ્ટ અને ફિલ્ડમાર્શલ બ્લડ બેંક – રાજકોટના સંયુક્ત ઉપક્રમે વાંકાનેર ખાતે આયોજિત બ્લડ ડોનેશન અને પ્લાઝમા ડોનેશન કેમ્પમાં દિનેશભાઈ ડી.વડસોલા અધ્યક્ષ અખિલ ભારતીય રાષ્ટ્રીય શૈક્ષિક મહાસંઘ સંદીપભાઈ લોરીયા અધ્યક્ષ મોરબી યુનિટ, મહાદેવભાઈ આર. રંગપડીયા સહ મંત્રી રાષ્ટ્રીય શૈક્ષિક મહાસંઘ મોરબી યુનિટ વગેરેએ પ્લાઝમા ડોનેટ કરી, કોરોના પીડિત પેસેન્ટને મદદરૂપ થવાનો પ્રયત્ન કરેલ છે,અને જાગૃત શિક્ષક તરીકે પોતાનું સામાજિક દાયિત્વ નિભાવેલ છે.
- text
- text
