- text
તાલુકા પંચાયતના પૂર્વ પ્રમુખ અને તેના ભાઈએ ધંધા માટે વકીલ પાસેથી 30 લાખ ઉછીના લીધા હતા : નાણાં પેટે આપેલા ચેક રિટર્ન થતા ફરિયાદ
ટંકારા : ટંકારામાં તાલુકા પંચાયતના પૂર્વ પ્રમુખ અને તેના ભાઈએ ધંધા માટે વર્ષ 2010માં વકીલ પાસેથી મિત્રના દાવે રૂ.30 લાખ ઉછીના લીધા હતા. ત્યારબાદ આ રકમની ઉઘરાણી કરતા અનેક વખત ગલ્લા તલ્લા કર્યા બાદ અંતે ત્રણ 10-10 લાખના ચેક આપ્યા હતા.પરંતુ આ ચેક બાઉન્સ થતા અંતે વકીલે આ બન્ને ભાઈઓ સામે છેતરપીડીની ફરિયાદ નોંધાવી છે.
આ બનાવની ટંકારા પોલીસ મથકેથી જાણવા મળતી વિગતો અનુસાર મૂળ ટંકારાના ધુનડા (ખા)ના વતની અને હાલ અમદાવાદના નીલકંઠ નગરમાં રહી વકીલાતનો વ્યસાય કરતા કિશોરસિંહ જીલુભા જાડેજાએ ટંકારાના નેસડા સુરજી ગામે રહેતા વિજય નરભેરામભાઈ જીવાણી અને મહેન્દ્ર નરભેરામ જીવાણી સામે ઉછીના આપેલા રૂ.30 લાખ પરત ન દઈને છેતરપિંડી કરી હોવાની ટંકારા પોલીસ મથકે ફરિયાદ નોંધાવી છે.
- text
આ બાબતે ટંકારા પોલીસના પી.જે.પરમારે જણાવ્યું હતું કે, આરોપી અને ફરિયાદી જે તે સમયે મિત્રો હતા. આરોપીઓ ટંકારામાં બાલાજી કોટન મિલ તથા રાધે ઇન્ડસ્ટ્રીઝ નામના બે કારખાના ધરાવે છે અને ધંધા માટે બન્ને આરોપીએ વકીલ પાસેથી રૂ.30 લાખ ઉછીના માગ્યા હતા. આથી સબંધ સારો હોવાથી તેમજ વિશ્વાસ કેળવાય જતા વકીલે ગતતા 21.8.2010 થી તા.24.3.2011 સુધીના સમયગાળામાં રૂ 10-10 લાખના ત્રણ ચેક આપ્યા હતા. આ ત્રીસ લાખ ઉછીના આપ્યા બાદ વકીલે આ રૂપિયા પરત માગ્યા હતા. વારંવાર ઉઘરાણી કરતા અંતે આરોપીએ રૂ.10-10 લાખના ત્રણ ચેક આપ્યા હતા પરંતુ આ ચેક બાઉન્સ થયા હતા.
ત્યાર બાદ બન્ને ભાઈઓ પણ ફરાર થઈ ગયા હતા, જયારે આરોપીઓ પાસે પૈસાની ઉઘરાણી વસુલવા બેંક ઓફ બરોડાએ પણ તેમના બન્ને કારખાનાને સિલ મારી દીધા હતા. જોકે અરોપી વિજય નરભેરામ જીવાણી ટંકારા તાલુકા પંચાયતનો પૂર્વ પ્રમુખ હોવાનું જાણવા મળ્યું છે. હાલ ટંકારા પોલીસે વકીલની ફરિયાદ નોંધીને બન્ને ભાઈઓની શોધખોળ હાથ ધરી છે.
- text
