- text
વાંકાનેર : વાંકાનેર તાલુકાના ભલગામ ગામે ઉછીનાં આપેલા પૈસા પરત ન આપતા એક શખ્સે યુવાનના કપાળમાં કડું મારીને ઇજા કર્યાની ફરિયાદ વાંકાનેર તાલુકા પોલીસ મથકે નોંધાઇ છે.પોલીસે આરોપી સામે ગુનો નોંધી આગળની કાર્યવાહી હાથ ધરી છે.
આ મારામારીના બનાવની વાંકાનેર તાલુકા પોલીસ મથકેથી પ્રાપ્ત થતી વિગતો અનુસાર વાંકાનેર તાલુકાના ભલગામ ગામે રહેતા મનોજભાઇ ઉર્ફે મનુભાઈ વિરજીભાઈ મકવાણા ઉ.વ.29 નામના યુવાને તે જ ગામે રહેતા ધીરુભાઈ સત્તાભાઈ સુસરા ઉ.વ.30 સામે વાંકાનેર તાલુકા પોલીસ મથકે ફરિયાદ નોંધાવી હતી કે, ફરિયાદીએ અગાઉ આરોપી પાસેથી હાથ ઉછીનાં રૂપિયા લીધા હતા પણ આ રૂપિયા તેઓ પરત ન દઈ શકતા વારંવાર હાથ ઉછીનાં આપેલા રૂપિયાની ઉઘરાણી કરીને આરોપીએ હાથમાં પહેરેલા કડાં વડા તેમને કપાળના ભાગે માર મારીને ઇજા કરી હતી તેમજ જાનથી મારી નાખવાની ધમકી આપી હતી. પોલીસે આ બનાવ અંગે યુવાનની ફરિયાદ પરથી આરોપી સામે ગુનો નોંધી વધુ તપાસ હાથ ધરી છે.
- text
