- text
ભાજપ, ઓલ ઇન્ડિયા હિંદુસ્તાન કોંગ્રેસ, ભારતીય બહુજન કોંગ્રેસ અને ૮ અપક્ષ ઉમેદવારોએ ફોર્મ રજૂ કર્યા
મોરબી : મોરબી જિલ્લાની ત્રણ વિધાનસભા બેઠકોમાં આજે ભાજપ, ઓલ ઇન્ડિયા હિન્દુસ્તાન કોંગ્રેસ, શિવસેના, ભારતીય બહુજન કોંગ્રેસ અને અપક્ષ ઉમેદવારોએ કુલ ૧૬ ઉમેદવારીપત્રો ભર્યા હતા જેમાં સૌથી વધુ ૭ ફોર્મ વાંકાનેર-કુવાડવા બેઠક પર રજૂ થયા હતા.
આગામી ૯ ડિસેમ્બરે યોજાનાર ચૂંટણી અંતર્ગત ઉમેદવારીપત્ર રજુ કરવા માટે આવતિકાલે આખરી દિવસ છે ત્યારે આજે મોરબી જિલ્લાની ત્રણેય વિધાનસભા બેઠકો પર પક્ષ અને અપક્ષ મળી કુલ ૧૬ ઉમેદવારીપત્ર રજૂ થયા હતા.
- text
વિધાનસભા બેઠક વાઇઝ આજે ઉમેદવારોએ રજૂ કરેલા ફોર્મની વિગતો જોઈએ તો ૬૫ મોરબી માળીયા બેઠક માટે ભાજપના કાંતિલાલ અમૃતિયા અને દમિતરીકે તેમના ધર્મપત્ની જ્યોત્સનાબેન કાંતિલાલ અમૃતિયાએ ભાજપમાંથી ઉમેદવારી નોંધાવી હતી. ઉપરાંત શિવસેના અને અપક્ષ તરીકે પત્રકાર કાસમભાઈ સુમરાએ ઉમેદવારીપત્ર ભર્યું હતું.
જ્યારે ૬૬-પડધરી-ટંકારા બેઠકમાં ભાજપના રાઘવજીભાઈ ગડારા, ભારતીય બહુજન કોંગ્રેસ વતી વણોલ કેશરબેન અને ઓલ ઇન્ડિયા કોંગ્રેસમાંથી નરેન્દ્ર બાવરવાએ ઉમેદવારી નોંધાવી હતી.
આ ઉપરાંત ૬૭-વાંકાનેર-કુવાડવા બેઠક માટે ૬ અપક્ષ ઉમેદવારો અને ભાજપ વતી જીતેન્દ્રભાઈ કાંતિલાલ સોમાણીએ ઉમેદવારીપત્ર ભર્યા હતા.
- text
