- text
પાલિકામાં બહુમતી છતાં ભાજપે શાસન ગુમાવતા પ્રેદશનું આકરું પગલું
વાંકાનેર : વાંકાનેર નગર પાલિકામાં ભાજપને બહુમતી મળવા છતાં શાસનથી દૂર રહેવાની પરિસ્થિતિ સર્જાતા શહેર ભાજપ પ્રમુખ દિનુભાઈ વ્યાસને પ્રદેશ પ્રમુખ સી.આર. પાટીલે હોદા ઉપરથી દૂર કર્યા છે. જો કે તેઓ ભાજપના સભ્યપદે ચાલુ રહ્યા છે.
- text
પ્રાપ્ત વિગતો મુજબ વાંકાનેર શહેર ભાજપ પ્રમુખ દિનુભાઈ વ્યાસને પ્રદેશ ભાજપ દ્વારા હોદા ઉપરથી દૂર કરાયા છે, વાંકાનેર નગરપાલિકામાં ભાજપે ચૂંટણીમાં બહુમતી સાથે વિજય મેળવ્યો હતો, પરંતુ અંદરખાને જુથવાદને કારણે ભાજપે પાલિકામાં સત્તા ગુમાવતા મોરબી જિલ્લા ભાજપ અને વાંકાનેર ભાજપ સામસામે આવી ગયા હોય તેવી સ્થિતિમાં આજે પ્રદેશકક્ષાએથી આકરો નિર્ણય લેવાયો હોવાનું જાણવા મળે છે.
જો કે હાલ તુરત દિનુભાઈ વ્યાસને સસ્પેન્ડ ન કરાયા હોવાનું અને ભાજપના સભ્યપદે ચાલુ રાખવામાં આવ્યા હોવાનું જાણવા મળી રહ્યું છે.
- text
