- text
હળવદ પોલીસ દ્વારા ૮૫ હજારનો મુદ્દામાલ કબ્જે કરાયો
હળવદ : હળવદ તાલુકાના કડીયાણા ગામની સીમમાં જુગાર રમતા છ શખ્સોને પોલીસે ઝડપી લીધા હતા. જુગારીઓ પાસેથી ૫ મોબાઈલ, ૩ મોટર સાયકલ અને ૧૧૩૦૦ની રોકડ મળી કુલ ૮૫૮૦૦નો મુદ્દામાલ કબજે કરી તમામ જુગારીઓ વિરુદ્ધ ગુનો નોંધી ધોરણસરની કાર્યવાહી હાથ ધરવામાં આવી હતી.
- text
બનાવની જાણવા મળતી વિગતો મુજબ હળવદ તાલુકાના કડિયાણા ગામની સીમમાં આવેલા અંબારામભાઈની વાડીની ઓરડીની બાજુમાં છ શખ્સો જુગાર રમી રહ્યા હતા. તે વેળાએ હળવદ પોલીસે દરોડો પાડતા તમામ જુગારીઓ પોલીસના હાથે ઝડપાઇ ગયા હતા. જેથી, પોલીસે ૫ મોબાઈલ, ૩ મોટરસાયકલ અને ૧૧,૩૦૦ની રોકડ મળી કુલ ૮૫,૮૦૦ના મુદ્દામાલ સાથે અંબારામભાઈ ચતુરભાઈ, હસમુખભાઈ ઉર્ફે જીગ્નેશભાઈ વલમજીભાઈ, ભાવિકભાઈ જીવરાજભાઈ, રવિભાઈ રણછોડભાઈ, રમેશભાઈ મનજીભાઈ માકાસણા, વિષ્ણુભાઈ કાનજીભાઈ માકાસણા એમ છ શખ્સોને હળવદ પોલીસ મથકે લઇ આવી ગુનો નોંધી ધોરણ સરની કાર્યવાહી હાથ ધરવામાં આવી હતી.
- text
