- text
ચોમાસાના વરસાદી પાણીનાં નિકાલ કરવા માટે સત્વરે યોગ્ય કાર્યવાહી કરવા પર ગ્રામજનોએ ભાર મુકયો
ટંકારા : ટંકારા ગામે આજે પ્રાથમિક કન્યા શાળામાં ગ્રામસભાનું આયોજન કરવામાં આવ્યું હતું. જેમાં બહોળી સંખ્યામાં ગ્રામજનો ઉપસ્થિત રહ્યાં હતાં. મુખ્યત્વે સો ચો વાર ના પ્લોટ ફાળવવા માટે લાભાર્થીઓનો ધસારો જોવા મળ્યો હતો.
ગ્રામસભામાં ચોમાસાના વરસાદી પાણીનાં નિકાલ કરવા માટે સત્વરે યોગ્ય કાર્યવાહી કરવા પર ગ્રામજનોએ ભાર મુકયો હતો અને ડિઝાસ્ટર મેનેજમેન્ટને લેખિત જાણ કરી હતી. ટંકારા ગામે થતી ખનિજ ચોરી રોકવા અને કડક કાર્યવાહી કરવા મામલતદાર, પોલીસ ડીપાર્ટમેન્ટ અને ખાણખનીજ વિભાગને લેખિત જાણ કરવામાં આવી હતી. પિવાના પાણીની વ્યવસ્થા વધુ સુદઢ બને તેની પણ ગ્રામ સભામાં ચર્ચા થઈ હતી. ટંકારા ગામે અત્યાર સુધીમાં રેકર્ડ બ્રેક લોકોની સંખ્યા જોવા મળી હતી.
- text
લોકમુખે એક જ ચર્ચા જોવા મળી હતી કે આવી સરસ ગ્રામ સભા અમે કદી જોઈ નથી. ગ્રામજનોએ હોંશભેર ભાગ લીધો હતો અને પોતાના પ્રશ્નો રજુ કર્યા હતા. સરપંચ ગોરધનભાઈએ સંતોષ કારક જવાબો રજુ કર્યા હતા. પરંતુ ચાલુ ગ્રામસભાએ વરસાદ વેરી બનતા લોકોને હાલાકી ભોગવવી પડી હતી. ગ્રામ સભાનું સુચારૂ સંચાલન તલાટી કમ મંત્રીમકવાણા અને સરપંચ ગોરધનભાઈ, ઉપસરપંચ પ્રતિનિધી હેમંતભાઈ ચાવડા, અરજણભાઈ ઝાંપડા, જિલ્લા પંચાયતનાં સદસ્ય શ્રી ભુપતભાઈ ગોધાણી, તાલુકા પંચાયત સદસ્ય પ્રતિનિધિ શ્રી ભાવિન ભાઈ સેજપાલે કર્યુ હતું. આ તકે નાયબ જીલ્લા ખેતીવાડી અધિકારી પરસાણીયા તેમજ ટંકારા ગ્રામ પંચાયતના સદસ્યો અને બહુ મોટી સંખ્યામાં ગ્રામજનો ઉપસ્થિત રહ્યાં હતાં.
- text
