- text
મોરબી : પોરબંદર-દાદર વચ્ચે દોડતી સૌરાષ્ટ્ર એક્સપ્રેસ ટ્રેનમાં મુસાફરી કરતાં મુસાફરોની સુવિધામાં વધારો કરવામાં આવ્યો છે. આ ટ્રેનમાં રેલવે વિભાગ દ્વારા 2 વધારાના કોચ જોડવાનો મહત્વપૂર્ણ નિર્ણય લેવામાં આવ્યો છે.
- text
યાત્રિયોની સુવિધા માટે પોરબંદર-દાદર “સૌરાષ્ટ્ર એક્સપ્રેસ” ટ્રેનમાં 2 વધારાના કોચ જોડવામાં આવશે. પશ્ચિમ રેલવે દ્વારા ટ્રેનોમાં ધસારાને ધ્યાનમાં રાખીને, મુસાફરોની સુવિધા માટે, પોરબંદર-દાદર “સૌરાષ્ટ્ર એક્સપ્રેસ” ટ્રેન (19016/19015)માં એક થર્ડ એસી અને એક સેકન્ડ સ્લીપર ક્લાસનો વધારાનો કોચ હંગામી ધોરણે જોડવામાં આવશે. ટ્રેન નંબર 19016/19015 પોરબંદર-દાદર “સૌરાષ્ટ્ર એક્સપ્રેસ” માં પોરબંદર સ્ટેશનથી 01.08.2023 થી 31.08.2023 સુધી અને દાદર સ્ટેશનથી 03.08.2023 થી 02.09.2023 સુધી એક થર્ડ એસી અને એક સેકન્ડ સ્લીપર ક્લાસ કોચ હંગામી ધોરણે જોડવામાં આવશે.
- text
