લોકલાગણીને માન આપી આ વખતે વિશાળ જગ્યા ધરાવતા રામધન આશ્રમ ખાતે તા.15 અને 16એ યોજાશે એક્ઝિબિશન : ફેશનવેરથી લઈને ફૂડ અને હોમ ડેકોર સુધીની તમામ આઇટમોના 50થી વધુ સ્ટોલ હશે
મોરબી : અગાઉ ત્રણ એક્ઝિબિશન સફળ રહ્યા બાદ મોરબીવાસીઓની લાગણીને માન આપી મોરબી અપડેટ દ્વારા આગામી તા.15 અને 16એ ફરી એક વખત મોરપીંછ એક્ઝિબિશનનું આયોજન કર્યું છે. જેમાં આ વખતે 50 જેટલા સ્ટોલ હશે. તો મોરબીવાસીઓ શોપિંગ માટે તૈયાર થઈ જાવ.
દર વર્ષે અવનવા કાર્યક્રમો આપીને સામાજિક ઉત્તરદાયિત્વ નિભાવતું મોરબીવાસીઓનું પોતાનું માધ્યમ મોરબી અપડેટ છેલ્લા થોડા સમયથી સેવાકીય પ્રવૃત્તિના ભાગરૂપે મોરપીંછ એક્ઝિબિશનનું પણ આયોજન કરે છે. સ્થાનિક રોજગાર અને ધંધાઓને વેગ મળે તેમજ લોકોને એક જ સ્થળેથી શ્રેષ્ઠ કિંમતે વસ્તુઓની ખરીદીનો અવસર મળે તેવા ઉદ્દેશ સાથે આગામી તા.15 અને 16 એપ્રિલના રોજ મોરપીંછ ફેશન એન્ડ લાઇફસ્ટાઇલ એક્ઝિબિશનનું આયોજન કરવામાં આવ્યું છે.
અગાઉ આ એક્ઝિબિશન સ્વાગત હોલમાં યોજાતું હતું. પણ મોરબીવાસીઓના અનહદ પ્રેમને કારણે અહીંનો વિશાળ હોલ પણ નાનો પડવા લાગ્યો હતો. જેથી હવે આ વખતે એક્ઝિબિશન સામાકાંઠે મહેન્દ્રનગર ચોકડી પાસે આવેલ રામધન આશ્રમની વિશાળ જગ્યામાં યોજવામાં આવશે.
આ એક્ઝિબિશનમાં ગાર્મેન્ટ્સ, ફૂટવેર, હોમ ડેકોર, હેન્ડીક્રાફટ, ફેસ્ટિવલ સ્પેશિયલ આઈટમ, જવેલરી, ચણીયાચોલી, ગૃહ ઉદ્યોગ, અથાણા, કોડીયા, ફૂટવેર, જવેલરી, ટોયઝ, ફૂડ સ્ટોલ, સ્પેશિયલ એક્ટ્રેશન સહિતના 50થી વધુ સ્ટોલ હશે
અહીં વિશાળ જગ્યા ઉપરાંત વિશાળ વ્યવસ્થા, સિક્યોરિટી સહિતની અનેક સવલતો હશે. જેથી અહીં આવનાર બહેનોને કોઈ તકલીફ ન પડે. અહીં બહેનો માટે એન્ટ્રી નિઃશુલ્ક છે. આ એક્ઝિબિશનમાં સ્ટોલના બુકીંગ તથા વધુ વિગત માટે મિત્તલ પ્રજાપતિ મો.નં. 99093 82382 અથવા વિપુલ પ્રજાપતિ મો.નં. 99130 53249નો સંપર્ક કરવા જણાવાયું છે.
