રામનગર (ખા.) ગામમાં લાયન્સ ક્લબ ઓફ મોરબી તથા ગમજનોના સહયોગથી 175 વૃક્ષોનું રોપણ કરાયું

10/09/2020 at 5:59 pm

- text

મોરબી : આજ તા. 10/09/2020 ને ગુરુવારના રોજ લાયન્સ ક્લબ ઓફ મોરબી સિટી તેમજ રામનગર (ખા.) ગામના લોકોના સહયોગથી 175 વૃક્ષોના રોપણનો કાર્યક્રમ યોજાયો હતો. આ તકે લાયન્સ ક્લબના પૂર્વ પ્રમુખ લા. ભીખાભાઇ લોરિયા, પ્રમુખ એ. એસ. શુરાણી, મંત્રી કેશુભાઈ દેત્રોજા, ખજાનચી ટી. સી. ફૂલતરીયાએ હાજર રહ્યા હતા. અને તેઓએ જેમની મહેનતથી આ મેગા વૃક્ષારોપણનો કાર્યક્રમ સંપન્ન થયો છે, તેવા રામનગર ગામના કર્મઠ યુવાનોને પ્રોત્સાહન પૂરું પાડેલ હતું.

ઉલ્લેખનીય છે કે હાલ રામનગર (ખા.) ગામમાં હાલમાં આશરે 60 જેટલાં પરિવારો રહે છે. આ પરિવારોના સંયુક્ત પ્રયાસ અને દ્રઢ સંકલ્પથી ગામની ભાગોળે પરિવાર દીઠ 5-5 વૃક્ષો વાવવાનો સંકલ્પ કરેલ. જે લાયન્સ ક્લબ ઓફ મોરબી સીટી તેમજ સમગ્ર ગામના આર્થિક સહયોગ અને સધિયારા પ્રયાસથી પૂરો થયો હતો. ખરેખર કયારેક આવતા જતા આ નયન રમણીય ગામની મુલાકાત લેવા જેવી છે. તેમ ક્લબની યાદીમાં જણાવવામાં આવ્યું છે.