- text
હરિકૃપા ટ્રાન્સપોર્ટના માલિક અને કર્મચારી વિરુદ્ધ એનડીપીએસ એક્ટ મુજબ ગુન્હો : એક અટકાયતમાં
મોરબી : મોરબીના લાતીપ્લોટ શેરી નંબર 1 અને 2ની વચ્ચે આવેલ હરિકૃપા ટ્રાન્સપોર્ટની ઓફિસમાંથી ગઈકાલે મોડીસાંજે મોરબી સીટી એ ડિવિઝન પોલીસે નશીલી કોડીન સિરપની 10 હજાર બોટલ પકડી પાડી રાજકોટ રહેતા ટ્રાન્સપોર્ટર અને ટ્રાન્સપોર્ટ ઓફિસના કર્મચારી વિરુદ્ધ એનડીપીએસ એક્ટ મુજબ ગુન્હો દાખલ કરી 20.59 લાખનો મુદામાલ કબ્જે કરી ટ્રાન્સપોર્ટ ઓફિસના કર્મચારીને અટકાયતમાં લીધો છે.
જાણવા મળતી વિગતો મુજબ મોરબી સીટી એ ડિવિઝન પોલીસે લાતીપ્લોટ શેરી નંબર 1 અને 2ની વચ્ચે આવેલ હરિકૃપા ટ્રાન્સપોર્ટની ઓફિસમાં નશીલી કોડીન સિરપનો જ્થ્થો ઉતર્યો હોવાની બાતમીને આધારે દરોડો પાડતા ટ્રાન્સપોર્ટ ઓફિસમાંથી નશાકારક એબોટ કંપનીની ફેન્સીડીલ નામની કોડીન યુકત કફ સીરપનો ગેર કાયદેસર જથ્થો મળી આવતા કોડીન યુક્ત સીરપની બોટલો નંગ 10 હજાર કિંમત રૂપિયા 20,54,800 સાથે આરોપી ટ્રાન્સપોર્ટ કર્મચારી આશીફ આમદભાઇ રાઠોડ,રહે.મોરબી વાવડી રોડ, ભારતપાન વાળી શેરી મોરબીવાળને અટકાયતમાં લીધો હતો.
- text
વધુમાં નશાકારક કોડીન મામલે પોલીસે હરિકૃપા ટ્રાન્સપોર્ટના માલિક ગોપાલભાઇ પરબતભાઇ ભરવાડ રહે. રાજકોટ વાળાને ફરાર દર્શાવી નશાકારક સિરપની બોટલ કિંમત રૂપિયા 20,54,800 તેમજ એક મોબાઈલ ફોન કિંમત રૂપિયા 5000 મળી કુલ રૂપિયા 20,59,800નો મુદામાલ કબ્જે કર્યો હતો. આ સફળ કામગીરી સીટી એ ડિવિઝન પીઆઇ એચ.એ.જાડેજા,પીએસઆઇ પી.આર.સોનારા, એ.એસ.આઇ. કિશોરભાઇ ગોવિંદભાઇ મકવાણા, જનકભાઇ છગનભાઇ મારવાણીયા, પો.હેડ કોન્સ. અરવિંદભાઇ માવજીભાઇ ઝાપડીયા, પો.કોન્સ. રમેશભાઇ લાલજીભાઇ કાનગડ તેમજ કિશનભાઇ ધીરૂભાઇ મોતાણી સહિતના સ્ટાફ દ્વારા કરવામાં આવી હતી.
- text
