- text
સવારે વરસાદી ઝાપટાં શરૂ થતા વરસાદથી બચવા પીપળના ઝાડ નીચે ઉભા હતા ને વિજળી પડી
ટંકારા : ટંકારા તાલુકાના સખપર ગામે આજે સવારે વરસાદી ઝરમર વચ્ચે વરસાદથી બચવા માટે પીપળના ઝાડ નીચે ઉભેલા ખેત મજૂર ઉપર આકાશી વીજળી ત્રાટકતા મૃત્યુ નીપજ્યું હતું.
- text
બનાવ અંગે જાણવા મળતી વિગતો મુજબ ટંકારા તાલુકાના સખપર ગામે હસમુખભાઈ કોરીંગાના ખેતરે ખેતમજુરી કામ કરતા મંડોળના વિપુલભાઈ સવારે વરસાદ આવતા, વરસાદથી બચવા વાડીએ પીપળના ઝાડ નીચે આશરો લીધો હતો જો કે, આજ સમયે વાદળોના ગળગળાટ વચ્ચે આકાશી વીજળી ત્રાટકતા વિપુલભાઈને તાત્કાલિક સારવાર માટે પડધરી ખસેડયા જ્યા ડોક્ટરે વિપુલભાઈને મૃત જાહેર કરતાં ટંકારા પોલીસ મથકની નેકનામ આઉટ પોસ્ટ દ્વારા અકસ્માતે મૃત્યુ અંગે નોંધ કરી તપાસ હાથ ધરી છે.
- text
