- text
મોરબી : બિઝનેસમાં ખોટી ઈનપુટ ટેક્સ ક્રેડિટ લેતા લોકો સામે જીએસટી ડિપાર્ટમેન્ટ દ્વારા સકંજો ચુસ્ત કરવામાં આવશે. જીએસટી વિભાગે કરદાતાઓના બેન્કિંગ ટ્રાન્ઝેક્શનનો રિયલ-ટાઈમ એક્સેસ મેળવવા માંગણી કરી છે જેથી બનાવટી ઈનવોઈસ પકડી લેવાશે અને ઇનપુટ ટેક્સ ક્રેડિટની ગરબડ પણ બંધ થઈ જશે. જોકે, હવે લોકો ગૂગલ પે (GPay)ની મદદથી પણ ઘણા બધા ટ્રાન્ઝેક્શન કરતા હોય જે બધા ટ્રાન્ઝેક્શન બેન્ક એકાઉન્ટમાં જોવા મળે છે. તેના કારણે GPayના યુઝર્સ સાવચેત થઈ ગયા છે.
તાજેતરમાં અમુક તપાસમાં જાણવા મળ્યું હતું કે બનાવટી ઈનવોઈસ બનાવીને ખોટી ટેક્સ ક્રેડિટ લેવામાં આવે છે અને તેના પરથી હવાલા ટ્રાન્ઝેક્શન કરવામાં આવે છે. અમુક કેસમાં સર્ક્યુલર રૂટથી ફેક ઈનવોઈસ બનાવનાર વ્યક્તિના ખાતામાં જ રૂપિયા જમા થતા હોય છે. શેલ કંપનીઓ પણ બનાવટી ઈનવોઈસ દ્વારા રૂપિયાની હેરાફેરી કરતી હોવાનું જાણવા મળ્યું છે.જીએસટી રજિસ્ટ્રેશનના સમયે કરદાતા માત્ર એક બેન્ક એકાઉન્ટની માહિતી આપે છે. પરંતુ બિઝનેસમાં એકથી વધારે એકાઉન્ટનો ઉપયોગ થતો હોઈ શકે છે. જેથી અત્યારે સમયસર બેન્કિંગ ટ્રાન્ઝેક્શનનો ડેટા મેળવવો મુશ્કેલ બને છે. કેટલીક વખત બેન્ક એકાઉન્ટની ડિટેલ આપવામાં આવે ત્યાં સુધીમાં આવા બોગસ ઈનવોઈસ બનાવનાર વ્યક્તિ અથવા કંપની ગુમ થઈ જાય છે. જીએસટી ઓથોરિટીએ માંગણી કરી છે કે તેમને બેન્કિંગ ટ્રાન્ઝેક્શન વિશે ઝડપથી ડેટા મળવો જોઈએ. જે રીતે ઈન્કમટેક્સ ડિપાર્ટમેન્ટ બધા બેન્ક એકાઉન્ટની માહિતી મેળવે છે તેવી જ રીતે જીએસટી ડિપાર્ટમેન્ટે પણ એક્સેસની માંગણી કરી છે.
- text
ઈન્કમટેક્સ વિભાગને હાઈ વેલ્યૂ ટ્રાન્ઝેક્શન, શંકાસ્પદ ટ્રાન્ઝેક્શન અથવા ચોક્કસ લિમિટથી વધારે રોકડ ડિપોઝિટ થાય તો તેની વિગત મળી જાય છે જેથી તેઓ ટેક્સ ચોરી પકડી શકે છે. હવે જીએસટી ડિપાર્ટમેન્ટે બેન્ક ટ્રાન્ઝેક્શનના એક્સેસ માટે CBDT પાસે આ મુદ્દો ઉઠાવ્યો છે. જીએસટી ઓથોરિટીઝ હવે તેના રિસ્ક પેરામીટર્સમાં વધુ ડેટાબેઝને સમાવવા આયોજન કરે છે. ભારતમાં જીએસટી હેઠળ 1.40 કરોડ રજિસ્ટર્ડ બિઝનેસ અને પ્રોફેશનલ્સ છે અને સરકાર ટેક્સ બેઝ વધારવા માટે પ્રયાસ કરી રહી છે.જીએસટી ઓથોરિટી દ્વારા પ્રોવિડન્ટ ફંડનો ડેટા, શિપિંગ લાઈન્સ પર કસ્ટમ્સ ડેટા, ફ્રેઈટ ફોરવર્ડના આંકડા, રેલવે અને પંચાયતી રાજના ડેટા એકત્ર કરવામાં આવી શકે છે.
- text
