- text
માળીયા : આજ રોજ તારીખ 6 જાન્યુઆરીના રોજ ડિસ્ટ્રીક્ટ ટોબેકો કંટ્રોલ સેલ મોરબી અને પ્રાથમિક આરોગ્ય કેન્દ્ર સરવડના સયુંકત ઉપક્રમે મોટીબરાર ખાતે આવેલી મોડલ હાઈસ્કૂલમાં વ્યસનની જાગૃતિ અર્થે વકતૃત્વ સ્પર્ધાનું આયોજન કરવામાં આવ્યું હતું. આ સ્પર્ધામાં વિદ્યાર્થીઓએ ખુબજ ઉત્સાહભેર ભાગ લીધો હતો અને પોતાની આવડત મુજબ વ્યસનની જાગૃતિ અંતર્ગત વકતૃત્વ સ્પર્ધામાં વક્તવ્ય આપ્યું હતું.
આ વકતૃત્વ સ્પર્ધામાં પ્રથમ નંબર, દ્વિતીય નંબર અને તૃતિય નંબર પરના જે વિજેતા બન્યા હતા એ વિજેતા થનાર વિદ્યાર્થીઓને ઇનામ આપવામાં આવ્યા હતા. સ્પર્ધામાં ભાગ લેનાર તમામ સ્પર્ધકને પ્રોત્સાહક ઇનામ આપવામાં આવ્યા હતા. ત્યારબાદ પ્રાથમિક આરોગ્ય કેન્દ્ર સરવડના સુપરવાઈઝર દિનેશભાઈ ગોગરા દ્વારા વિદ્યાર્થીઓને તમાકુના વ્યસનની જાગૃતિ અંગે, વ્યસનની શારીરિક અસરો, આર્થિક અસરો વગેરે બાબતો અંગે માર્ગદર્શન આપવામાં આવ્યું હતું. અને દરેક વિદ્યાર્થીઓને તમાકુ મુક્ત રહેવા અને પોતાના પરિવારને પણ વ્યસનમુક્ત રહેવા અનુરોધ કર્યો હતો.
આ કાર્યક્રમમાં તાલુકા હેલ્થ ઓફિસ માળીયાના ટી.એચ.વી રમાબેન, પ્રાથમિક આરોગ્ય કેન્દ્ર સરવડનાં હેલ્થ સુપરવાઈઝર દિનેશ ગોગરા, કૈલાશબેન, મોટીબરારનાં સી.એચ.ઓ. એમ.પી.એચ.ડબ્લ્યુ, એફ.એચ. ડબલ્યુ તથા આર.બી.એસ.કે. ડો. જલ્પાબેન કાવર હાજર રહ્યા હતા. આ કાર્યક્રમને સફળ બનાવવા માટે શાળાના આચાર્ય અને સ્ટાફ દ્વારા ભારે જહેમત ઉઠાવવામાં આવી હતી.
- text
- text
