- text
ટંકારા : ગુજરાતમાં વિધાનસભા ચૂંટણીનું બ્યૂગલ ફૂંકાઈ ગયું છે. ઉમેદવારોના ફોર્મ ભરવાના શરૂ થઈ ગયા છે ત્યારે મોરબી જિલ્લાની 66 ટંકારા-પડધરી વિધાનસભા બેઠકના આમ આદમી પાર્ટીના ઉમેદવાર સંજય ભટાસણાએ આજરોજ ફોર્મ ભર્યું છે.
ટંકારા મામલતદાર કચેરી ખાતે આજે આમ આદમી પાર્ટીના ઉમેદવાર સંજયભાઈ ભટાસણાએ સમર્થકો સાથે આવીને ફોર્મ ભર્યું હતું. ફોર્મ ભર્યા બાદ સંજય ભટાસણાએ જણાવ્યું હતું કે, આજ રોજ મે મહર્ષિ દયાનંદ સરસ્વતીની જન્મભૂમિ એવા ટંકારા- પડધરી બેઠક પરથી ઉમેદવારી નોંધાવી છે. મને વિશ્વાસ છે કે, મારો જ્વલંત વિજય થશે અને જનતાનું પણ સમર્થન મને મળશે.
- text
આ તકે મોરબી જિલ્લાના આમ આદમી પાર્ટીના પ્રમુખ વસંતભાઈ ગોરિયાએ જણાવ્યું હતું કે, આજ રોજ મોટી સંખ્યામાં સમર્થકો સાથે સંજયભાઈ ભટાસણાનું ફોર્મ ભરવા માટે મામલતદાર કચેરીએ આવ્યા છીએ અને સંજયભાઈ ભટાસણાનો વિજય નિશ્ચિત છે.
- text
