- text
12મી ઓગસ્ટે મુબંઈ થી ઓખા અને 15મી ઓગસ્ટે ઓખા થી મુંબઈ વચ્ચે દોડશે ટ્રેન
8 ઓગસ્ટથી ટિકિટનું બુકિંગ શરૂ થશે
મોરબીઃ આગામી તહેવારોમાં મુસાફરોની સુવિધાને ધ્યાને રાખીને પશ્ચિમ રેલવે દ્વારા 15મી ઓગસ્ટ, 2022ના રોજ ઓખાથી મુંબઈ સેન્ટ્રલ અને 12મી ઓગસ્ટ, 2022ના રોજ મુંબઈ સેન્ટ્રલથી ઓખા સુધી ફેસ્ટિવલ સ્પેશિયલ ટ્રેનની એક-એક ટ્રીપ ચલાવવામાં આવશે. રાજકોટ ડિવિઝનના સિનિયર ડીસીએમ અભિનવ જેફ ના જણાવ્યા અનુસાર, ટ્રેન નંબર 09098/09097 ઓખા-મુંબઈ સેન્ટ્રલ-ઓખા સ્પેશિયલ (કુલ એક-એક ટ્રીપ) ટ્રેન દોડશે.
ટ્રેન નંબર 09098 ઓખા-મુંબઈ સેન્ટ્રલ સ્પેશિયલ ઓખાથી 15 ઓગસ્ટ, 2022ના રોજ સવારે 10.00 કલાકે ઉપડશે અને તે જ દિવસે બપોરે 14.45 કલાકે રાજકોટ પહોંચશે અને બીજા દિવસે સવારે 04.35 કલાકે મુંબઈ સેન્ટ્રલ પહોંચશે. તેમજ ટ્રેન નંબર 09097 મુંબઈ સેન્ટ્રલ-ઓખા સ્પેશિયલ મુંબઈ સેન્ટ્રલથી 12મી ઓગસ્ટ, 2022ના રોજ સવારે 11.05 કલાકે ઉપડશે અને તે જ દિવસે રાત્રે 22.54 કલાકે રાજકોટ પહોંચશે અને બીજા દિવસે વહેલી સવારે 03.35 કલાકે ઓખા પહોંચશે.
- text
આ ટ્રેન બંને દિશામાં માર્ગમાં દ્વારકા, જામનગર, હાપા, રાજકોટ, સુરેન્દ્રનગર, અમદાવાદ, વડોદરા, સુરત, વાપી અને બોરીવલી સ્ટેશનો પર ઉભી રહેશે. આ સ્પેશિયલ ટ્રેનમાં કુલ 20 કોચ હશે જેમાં 2 થર્ડ એસી, 12 સેકન્ડ સ્લીપર, 4 જનરલ અને 2 લગેજ વાન કોચ હશે. આ ટ્રેન ખાસ ભાડા સાથે દોડશે. ટ્રેન નંબર 09098 અને 09097 માં ટિકિટો નું રિઝર્વેશન 8 ઓગસ્ટના રોજ તમામ કોમ્પ્યુટરાઈઝડ પેસેન્જર આરક્ષણ કેન્દ્રો અને IRCTC વેબસાઈટ પરથી શરૂ થશે.
- text
