- text
મોરબી : અખિલ ભારતીય રાષ્ટ્રીય શૈક્ષિક મહાસંઘની મહિલા ટીમના કાર્યકર્તા બહેનોએ જિલ્લા પંચાયત ખાતે પ્રમુખ, જિલ્લા પ્રાથમિક શિક્ષણાધિકારી સહિતના અધિકારી-પદાધિકારીઓની શુભેચ્છા મુલાકાત લીધી હતી.
અખિલ ભારતીય રાષ્ટ્રીય શૈક્ષિક મહાસંઘની મહિલા ટીમના કાર્યકર્તા બહેનોએ જિલ્લા પંચાયત પ્રમુખ હંસાબેન પારેધી, નવનિયુક્ત જિલ્લા પ્રાથમિક શિક્ષણાધિકારી નમ્રતાબેન મહેતા, છેલ્લા એક વર્ષથી ઈન્ચાર્જ જિલ્લા પ્રાથમિક શિક્ષણાધિકારી તરીકે સંનિષ્ઠ કામગીરી કરનાર પ્રવિણભાઈ અંબારીયા વગેરે અધિકારી, પદાધિકારીઓ મહાનુભાવોનું પુષ્પગુચ્છ અર્પણ કરી સન્માન કર્યું હતું. જ્યારે ટંકારાના શિક્ષિકા જયશ્રીબેન રાજકોટીયા લેખિત પુસ્તક નટખટ (શ્રીકૃષ્ણ જીવન ચરિત્ર), દેશથી પરદેશ, પરીબાઈની પાંખે, હાથીદાદાની પૂંછ વગેરે પુસ્તકોથી ડો.લાભુબેન કારાવદરા (મહિલા સંગઠન મંત્રી મોરબી-સુરેન્દ્રનગર વિભાગ), વિણાબેન દેસાઈ (મહિલા ઉપાધ્યક્ષ), કિરણબેન આદ્રોજા (મહિલા મંત્રી જિલ્લા ટીમ મોરબી), પ્રજ્ઞાબેન ફુલતરિયા (મહિલા ઉપાધ્યક્ષ મોરબી તાલુકો), અસ્મિતાબેન ગડારા, સ્વાતીબેન ત્રિવેદી, ક્રિષ્નાબેન કાસુંદ્રા વગેરેએ અધિકારઓ-પદાધિકારીઓનું સ્વાગત-અભિવાદન કર્યું હતું.
- text
હાલ શાળાઓમાં 60% માતૃશક્તિ બહેનો ફરજ બજાવતા હોય અને ડીપીઈઓ તરીકે મહિલા અધિકારી હોય શિક્ષિકાઓની અપેક્ષાઓ તેઓ સમક્ષ રજુ કરવામાં આવી હતી. જિલ્લા પંચાયતના પ્રમુખ હંસાબેન પારેધીએ પણ બધા જ શિક્ષિકા બહેનો સાથે ખુબજ સ્નેહપૂર્ણ રીતે વાત કરતા જણાવ્યું કે, શિક્ષણકાર્યમાં અવરોધરૂપ કોઈપણ બાબત હોય અમને જણાવશો. ડો.લાભુબેન કારાવદરાએ શૈક્ષિક મહાસંઘની કાર્યપ્રણાલી વિશે માહિતગાર કરતા જણાવ્યું હતું કે, મહાસંઘના કાર્યકર્તાઓ શિક્ષણકાર્યની સાથે કોરોના જેવી કુદરતી આફતો કે માનવ સર્જીત આફતો વખતે રાષ્ટ્રીય સ્વંયસેવક સંઘ સાથે રહીને સેવાકાર્ય કરતું સંગઠન છે અને વર્ષ દરમ્યાન માતૃશક્તિ વંદના, કર્તવ્ય બોધ દિવસની ઉજવણી, વર્ષ પ્રતિપદા દિવસની ઉજવણી, ગુરુપૂર્ણિમાની ઉજવણી કરી સમાજમાં શિક્ષકનું ગૌરવ પ્રસ્થાપિત થાય એવા કાર્યો કરે છે.
- text
