આમરણ ખાતે નવું ૬૬ કે.વી. પાવર હાઉસ બનાવવા રજુઆત

16/09/2022 at 4:05 pm

- text

પીજીવીસીએલ અને રાજ્યમંત્રીને સતાધારી ભાજપ અગ્રણીઓ દ્વારા રજુઆત કરાઈ

મોરબી : આમરણ ગામનો જ્યોતિગ્રામ યોજનામાં સમાવેશ કરાયો હોવા છતાં નિયમ મુજબ 24 કલાક વીજપુરવઠો આપવામાં ન આવતો હોવાની સાથે ખેતીવાડી ફીડરમાં પણ નિયમિત વીજપુરવઠો ન અપાતો હોય મોરબી તાલુકા ભાજપ દ્વારા પીજીવીસીએલના અધિકારી અને રાજ્યમંત્રીને રજુઆત કરી આમરણ ગામે નવુ ૬૬ કે.વી. પાવર હાઉસ બનાવવા માંગ ઉઠાવી છે.

આમરણ ગામમાં આમરણ સબ ડિવિઝન હેઠળ આવતા તમામ ગામોમાં છેલ્લા બે માસથી લાઈટ અવાર નવાર જતી રહે છે અને ક્યારેક ત્રણ-ત્રણ કલાક સુધી લાઇટ હોતી નથી.પીજીવીસીએલનો સંપર્ક સાધી શકાતો નથી.જ્યારે કચેરીએ જાણ કરવામાં આવે તો જવાબમાં અમારી પાસે પૂરતો સ્ટાફ હાજર રહેતો ન હોવાના બહાના સતાધારી પક્ષ ભાજપને જ અપાતા હોય મોરબી તાલુકા ભાજપ દ્વારા આ મામલે અધિક્ષક ઈજનેર પીજીવીસીએલ જામનગરને રજુઆત કરી જ્યોતિગ્રામ અંતર્ગત 24 કલાક વીજળી આપવા માંગ કરી ખેતી તેમજ ઉદ્યોગને પૂરતી વીજળી આપવા મોરબી તાલુકા પંચાયતના સદસ્ય જાગૃતિબેન વાઘડિયા અને યોગેશભાઈ વાઘડિયાએ માંગ કરી છે.