અજાણ્યા વાહનની ટક્કરથી નટરાજ ફાટકના કટકા થઈ ગયા

13/10/2021 at 1:05 pm

- text

ગતરાત્રે ટ્રેન નીકળવાના સમયે બનેલી ઘટના, ઇમરજન્સી ફાટક લગાડીને ટ્રેનને રવાના કરાઈ, એક બાજુનો રસ્તો બંધ કરાતા થોડીવાર માટે ટ્રાફિકજામ

મોરબી : મોરબીના સામાકાંઠે નટરાજ ફાટકે ગતરાત્રે ટ્રેન નીકળવા સમયે કોઈ અજાણ્યા વાહનની ઠોકરે આ ફાટક તૂટી ગયું હતું અને ફાટકના કટકા થઈ ગયા હતા. આથી થોડીવાર માટે ટ્રેન રોકી દીધા બાદ ઇમરજન્સી ફાટક લગાડીને ટ્રેનને રવાના કરાઈ હતી.આ દરમિયાન એક બાજુનો રસ્તો બંધ કરાતા થોડીવાર માટે ટ્રાફિકજામ થયો હતો.

આ બનાવની પ્રાપ્ત વિગતો અનુસાર મોરબીના સામાકાંઠે આવેલ નટરાજ ફાટકે ગતરાત્રે 9 વાગ્યાની આસપાસ એક ટ્રેન પસાર થવાની હોવાથી આ ફાટક બંધ કરવામાં આવી હતી તે દરમિયાન કોઈ અજાણ્યા વાહનની ટક્કરથી નટરાજ ફાટક તૂટી ગયું હતું.આથી સાવચેતીના ભાગરૂપે ટ્રેનને ત્યાંજ અટકાવી દેવાય હતી.બાદમાં ઇમરજન્સી ફાટક લગાડીને ટ્રેન પસાર કરવામાં આવી હતી.જો કે આ દરમિયાન ફાટકનો એકબાજુનો રસ્તો બંધ કરાતા થોડીવાર માટે ટ્રાફિકજામ થયો હતો.બાદમાં તંત્ર દ્વારા ફાટકનું રીપેરીંગ કામ હાથ ધરવામાં આવ્યું હતું.