- text
દુકાનો બંધ રાખી ઉચ્ચ કક્ષાએ આવેદન પાઠવવામાં આવ્યું
વાંકાનેર : ફુટવેરમાં જી.એસ.ટી દરમાં વધારો થતા વાંકાનેર ફુટવેર એસોશીયેશન દ્વારા વિરોધ કરવામાં આવ્યો છે. 12 ટકા જી.એસ.ટી. વધારો થતા ખેડુત વર્ગ અને મજુર માણસોને મોંઘવારીનો માર પડશે. તેથી જૂનો જી.એસ.ટી.નો દર 5 ટકા હતો, તે યથાવત રાખવા વાંકાનેર ફુટવેર એસોશીયેશન દ્વારા દુકાનો બંધ રાખી વિરોધ દર્શાવવામાં આવ્યો છે. અને નાયબ કલેક્ટરને સંબોધી ઉચ્ચ કક્ષાએ રજૂઆત કરવામાં આવી છે.
વાંકાનેર ફુટવેર એસોશીયેશન દ્વારા ફુટવેર પર લગાવેલ જી.એસ.ટી.વધારાનો વિરોધ કરવામાં આવ્યો છે. તેઓએ રજુઆતમાં જણાવ્યું છે કે ફુટવેરમાં જી.એસ.ટી.5 ટકા માંથી 12 ટકા થવાથી નાના,મધ્યમ ખેડુત વર્ગ અને મજુર માણસોને મોંઘવારીનો માર ઘણો જ વધારે સહન કરવો પડશે.85 ટકા વર્ગ મજુર માણસ,ખેડુત વર્ગ,મધ્યમવર્ગ,એક હજાર રૂપિયાની કિંમતથી નીચેના પગરખા પહેરે છે. જેમાં જી.એસ.ટી દર વધતા પગરખા ઘણા મોંઘા થઈ જશે.જેનાથી ખેડુત વર્ગ અને મજુર માણસોને જીવન જરૂરી ચીજ-વસ્તુ પર કાપ મુકવો પડશે.
હાલ કાચા માલ સામાનમાં પણ 20 થી 25 ટકાનો ભાવ વધારો થઇ ગયો છે અને હવે સરકાર તરફથી ફૂટવેરમાં 5 થી 12 ટકાનો જી.એસ.ટી.વધારો કરવામાં આવેલ છે.આ વધારાથી પગમાં પહેરવાના પગરખા ઘણા જ મોંઘા થઇ જશે તો મધ્યમવર્ગ કે સામાન્ય માણસ આ પગરખા પહેરી તથા લઇ શકશે નહી.
તેથી, ફુટવેર વેપારી એસોશીયેશન દ્વારા સરકાર તરફથી જે 12 ટકા જી.એસ.ટી.નો વધારો કરવામાં આવેલ છે તે રદ કરી જૂનો જી.એસ.ટી. દર 5 ટકા યથાવત રાખે તેવી નાયબ કલેક્ટરને અપીલ કરવામાં આવી છે.
- text
મોરબી અપડેટના વિડિઓ ન્યુઝ અને સ્પેશિયલ માહિતીપ્રદ વિડિઓ સ્ટોરી જુઓ Morbi Updateની યૂટ્યૂબ ચેનલ પર..
આપના મોબાઈલમાં યૂટ્યૂબની એપ્લીકેશન ઓપન કરી તેમાં Morbi Update સર્ચ કરી અમારી ચેનલ સબસ્ક્રાઇબ કરીને બેલ આઈકન પર ક્લીક કરવા વિનંતી..
- text
