- text
મોરબી : સૌરાષ્ટ્ર યુનિવર્સિટી દ્રારા તાજેતરમાં બી.કોમ. સેમેસ્ટર 6 (ન્યુ કોર્ષ – 2019) નું રીઝલ્ટ જાહેર કરવામાં આવ્યું છે. જેમાં મોરબીની કડવા પાટીદાર કન્યા કેળવણી મંડળ સંચાલિત આર.ઓ. પટેલ મહિલા કોલેજે 90% જેટલું રીઝલ્ટ મેળવ્યું છે.
આર.ઓ.પટેલ મહિલા કોલેજ છેલ્લાં 10 વર્ષોથી આવા ઝળહળતાં રીઝલ્ટ માટે ક્વોલિટી બેઝડ એજ્યુકેશન આપીને સૌરાષ્ટ્રની એક અગ્રણી અને નામાંકિત કોમર્સ/મેનેજમેન્ટ કોલેજ તરીકે ઉભરી આવી છે. કોલેજમાં પ્રથમ નંબરે કોરડીયા પ્રિયા અરવિંદભાઈ 3635/4400, બીજા નંબરે ચાવડા સિદ્ધિ તુલસીભાઈ 3622/4400, ત્રીજા નંબરે વ્યાસ હેત્વી રાજેશભાઇ 3613/4400, ચોથા નંબરે પડસુંબિયા શ્રુતિ પરેશભાઈ 3594/4400, પાંચમા નંબરે રાઠોડ નંદની નવીનભાઈ તથા ડાભી ઉન્નતિ દેવરાજભાઈએ 3581/4400 માર્કસ મેળવી સંસ્થા અને કોલેજ પરીવારનું નામ સમગ્ર જિલ્લા તથા સૌરાષ્ટ્રમાં ગુંજતું કર્યું છે.
તદુપરાંત મેનેજમેન્ટ એકાઉન્ટિંગ વિષયમાં 8 વિદ્યાર્થીનિઓએ 100 માંથી 100 માર્ક મેળવ્યા હતાં. સાથોસાથ સ્ટેટ વિષયમાં 5 વિદ્યાર્થીઓએ 100 માંથી 100 માર્ક તથા એકાઉન્ટિંગ વિષયમાં 4 વિદ્યાર્થિનીઓએ 100 માંથી 99 માર્ક મેળવી જે તે વિષયમાં સોનેરી સિધ્ધિ પ્રાપ્ત કરી છે. ઉચ્ચ શિક્ષણની ગુણવત્તા સુધારવા માટે અને અભ્યાસ માટેની નવીનત્તમ પદ્ધતિઓની પહેલ કરવામાં કોલેજનો ટીચિંગ સ્ટાફ હરહંમેશ પ્રયત્નશીલ રહે છે.
સર્વે વિદ્યાર્થીનીઓને કડવા પાટીદાર કન્યા કેળવણી મંડળના પ્રમુખ બેચરભાઈ હોથી, ઉપપ્રમુખ ત્રંબકભાઈ ફેફર, કોલેજના પ્રિન્સિપાલ અશ્વિનભાઈ ગામી, કોમર્સ વિદ્યાશાખાના હેડ ઑફ ડિપાર્ટમેન્ટ મયુરભાઈ હાલપરા તથા કોમર્સ વિદ્યાશાખાના સર્વે સ્ટાફગણ તરફથી વિદ્યાર્થીનિઓને શૈક્ષણિક અને બિનશૈક્ષણિક પ્રવૃત્તિઓમાં આવી જ ઉત્તરોતર ઉન્નતિ કરી પરિવારનું ગૌરવ વધારીને સમાજ તેમજ રાષ્ટ્ર ઉપયોગી કામગીરી કરે તેવી શુભેચ્છા પાઠવવામાં આવી છે.
- text
- text
