- text
સ્થાનિક નાગરિકો દ્વારા ચીફ ઓફિસરને રજૂઆત
મોરબી : મોરબીમાં ભીમરાવનગર-આંબેડકર સ્કૂલની બાજુમાં પીવાનું પાણી નિયમિત આપવા બાબતે સ્થાનિકો વતી જાગૃત નાગરિક ચૌહાણ જીતેન્દ્રભાઈ અને પરમાર હીમનભાઈ દ્વારા નગરપાલિકાના ચીફ ઓફિસરને લેખિતમાં રજૂઆત કરવામાં આવી છે.
- text
રજૂઆતમાં જણાવાયુ છે કે, વીસીપરા ખાતે રોહીદાસપરા પાછળ ભીમરાવનગર-આંબેડકર સ્કૂલની બાજુના વિસ્તારમાં ઘણા સમયથી પીવાનું પાણી નિયમિત મળતું નથી તો તાત્કાલિક વ્યવસ્થા કરવા માંગણી કરાઇ છે. હાલમાં રણછોડનગર પાણીનો સંપ બનેલ છે. તે આ વિસ્તારની નજીક થાય તો આ સંપથી કનેક્શન આપી તાત્કાલિક પાણીની વ્યવસ્થા થઈ શકે તેમ હોવાનું ઉમેરી અરજી ધ્યાને લઇ જરૂરી પગલાં લેવા લતાવાસીઓની માંગણી છે.
- text
