મોરબીના દિવ્યાંગ જય ઓરિયાએ અંબાજી ખાતે રાસોત્સવમાં ગરબે ઘૂમી સૌને મંત્રમુગ્ધ કરી દીધા

- text

મોરબી : અંબાજી ખાતે યોજાયેલા દિવ્યાંગ ગરબા મહોત્સવમાં મોરબીના દિવ્યાંગ જય ઓરીયાએ અદભુત ગરબા પ્રદર્શન કરીને સૌને અચંબિત કરી દીધા છે.

અંબાજી ખાતે યોજાયેલા દિવ્યાંગ ગરબા મહોત્સવમાં ગુજરાતના આશરે 350 જેટલા દિવ્યાંગજનોએ રાસ-ગરબા મહોત્સવમાં ભાગ લીધો હતો. જેમાં મોરબીના મનોદિવ્યાંગ જય ઓરીયાએ પણ ભાગ લીધો હતો. જય ઓરીયાએ તાલી રાસ અને વિવિધ સ્ટેપવાળા ગરબામાં બેસ્ટ પર્ફોમન્સ આપ્યું હતું જે બદલ જય ઓરીયાને ઈનામ આપવામાં આવ્યું હતું.

મહત્વનું છે કે, બનાસકાંઠા જિલ્લા વિકલાંગ વિકાસ ટ્રસ્ટ અને બનાસ દિવ્યાંગ ચેરીટેબલ ટ્રસ્ટ પાલનપુરના સંયુક્ત ઉપક્રમે અંબાજી મુકામે દાંતા રોડ ઉપર આવેલા ગુરુજી પાર્ટી પ્લોટમાં દિવ્યાંગ રાજ મહોત્સવનું આયોજન કરાયું હતું. જેમાં દાંતાના રાજ પરિવારના યુવરાજ પરમવીર દ્વારા માતાજીની આરતી કરી કાર્યક્રમની શરૂઆત કરાઈ હતી. દિવ્યાંગનોના આયોજન હોવાથી ખૂબ જ સૂચારું વ્યવસ્થા સાથે દિવ્યાંગજનોને મા અંબાના દર્શન માટે વીઆઈપી ગેટથી પ્રવેશ આપવામાં આવ્યો હતો.

- text

- text