- text
મોરબી : મોરબી જિલ્લામાં ફોર વ્હીલર માટે GJ 36 AL સીરીઝની ટેન્ડર પ્રક્રિયા તા.8 થી શરુ થનાર છે. તા.8થી તા.19 સુધી અરજદાર www.parivahan.gov.in/fancy પર ઓનલાઈન અરજી કરી શકશે.વધુમાં તા.19થી તા.21 સુધી બીડીંગ પ્રોસેસ રહેશે અને તા.21 ના રોજ ઓક્શનનુ પરિણામ www.parivahan.gov.in/fanc પર જાહેર કરવામાં આવશે.
ફોર વ્હીલર પ્રકારના વાહનો માટે તા.8ના રોજ GJ 36 AL 1 થી 9999 સુધીના નંબરોની નવી સીરીઝ શરુ કરવામાં આવનાર છે. ગોલ્ડન નંબરની ઓછામાં ઓછી ફી રૂ.40 હજાર અને સીલ્વર નંબરની ઓછામાં ઓછી ફી રૂ.15 હજાર સરકારે નક્કી કરેલ છે. ગોલ્ડન અને સિલ્વર નંબર સિવાયના અન્ય પસંદગીના નંબરોની ફી રૂ. 8 હજાર છે. ગોલ્ડન, સીલ્વર નંબરોની ફાળવણી ઓક્શનથી જ કરવામાં આવશે. GJ 36 AL સીરીઝમાં પસંદગી નંબર માટે અરજી જે વાહનોનો ટેક્ષ/કર મોરબી એ.આર.ટી.ઓ કચેરી ખાતે ભરપાઈ કરવામાં આવેલ હોય અને નોંધણી માટે અધિકારીની સહી થયેલ હોય તેવા જ ફોર્મને પસંદગી નંબર માટે ધ્યાને લેવામાં આવશે.
વાહન માલિકોએ સૌ પ્રથમ WWW.PARIVAHAN.GOV.I વેબસાઈટ પર જઈને રજીસ્ટ્રેશન કરાવ્યા બાદ યુઝરઆઈડી અને પાસવર્ડ મેળવવાનું રહેશે. ત્યારબાદ વેબ સાઈટ પર લોગીન કરીને વાહન ખરીદી ના 7 (સાત) દિવસની અંદર ઓનલાઈન CNA ફોર્મ ભરવાનું રહેશે.
- text
ઈ-ઓક્શન પ્રક્રિયા પૂર્ણ થયા બાદ સફળ અરજદારોએ ભરવા પાત્ર થતી રકમ દિવસ-2 માં ઈ-પેમેંટ દ્વારા ભરણૂ કરવાનું રહેશે. જો સફળ અરજદાર નિયત સમય મર્યાદામાં બીડની રકમનુ ઈ-પેમેંટ કરી ફોર્મ એઆરટીઓ કચેરી મોરબી ખાતે જમા કરવામાં નિષ્ફળ જશે તો ભરેલ રજીસ્ટ્રેશન રકમ જપ્ત થશે અને પસંદગી નંબર આપોઆપ રદ થઈ જશે. ત્યારબાદ પેમેંટ વગરની અરજીઓને રદ બાતલ ગણવામાં આવશે. તેમ મોરબી સહાયક પ્રાદેશિક વાહનવ્યવહાર અધિકારીની અખબારી યાદીમાં જણાવાયું છે.
- text
