- text
મોરબી : મોરબી સીટી એ ડિવિઝન પોલીસે વિદેશી દારૂ અંગેની બે અલગ અલગ કાર્યવાહીમાં કાલિકા પ્લોટમાંથી સમીરને પાંચ બોટલ સાથે અને રવાપર ધુનડા રોડ ઉપરથી વિપલાને દારૂની બે બોટલ સાથે ઝડપી લીધો હતો.
વિદેશી દારૂ અંગેની પ્રથમ કાર્યવાહીમાં સીટી એ ડિવિઝન પોલીસે કાલીકાપ્લોટમાં બાવા અહેમદશા મસ્જીદ વાળી શેરીમાથી આરોપી સમીરભાઇ રફીકભાઇ પલેજાને બેલેન્ટાઇન ફીનેસ્ટ બ્લેન્ડેડ સ્કોચ વ્હીસ્કીની પાંચ બોટલ કિંમત રૂપિયા 1500 સાથે ઝડપી લીધો હતો, સમીરે દારૂની આ બોટલ પરસોતમ ચોકમાં રહેતા આરોપી યુવરાજસિંહ કૃષ્ણસિંહ ઝાલા પાસેથી મેળવી હોવાની કબૂલાત આપતા પોલીસે બન્ને વિરુદ્ધ પ્રોહિબિશન એક્ટ મુજબ ગુન્હો નોંધ્યો હતો.
- text
જયારે વિદેશી દારૂના બીજા કેસમાં સીટી એ ડિવિઝન પોલીસે રવાપર ઘુનડા રોડ ઉપર શિવશકિત સોસાયટીના ખુણા પાસેથી આરોપી વિપુલભાઇ ઉર્ફે વિપલો નરસંગભાઇ બાલાસરાને મેકડોવેલ્સ નંબર વન બ્રાન્ડ ડીલક્ષ વ્હીસ્કીની બે બોટલ કિંમત રૂપિયા 750 સાથે ઝડપી લઈ પ્રોહિબિશન એક્ટ મુજબ કાર્યવાહી કરી હતી.
- text
