- text
હળવદ : હળવદ પોલીસ સ્ટેશનના અલગ-અલગ ગુન્હાના કામે પકડાયેલ વિદેશી દારૂના કીંમત રૂ.૭,૩૦,૬૭૫ ના મુદામાલ પર પોલીસે રોડ રોલર ફેરવીને નાશ કરી દીધો હતો.
મોરબી જિલ્લા પોલીસ અધિક્ષક રાહુલ ત્રિપાઠીની સુચના મુજબ હળવદ પોલીસ સ્ટેશન વિસ્તારમાં વર્ષ-૨૦૨૧ થી નવેમ્બર-૨૦૨૨ સુધીના અલગ-અલગ ગુન્હામાં પકડાયેલ વિદેશી દારૂનો નાશ કરવાની મંજુરી નામદાર કોર્ટ હળવદ તરફથી મળતા આજે હળવદના ડોકામઇડા પુલની નજીક રેલ્વે પુલની બાજુમાં આવેલ પડતર ખરાબાની જગ્યાએ હળવદ પોલીસ મથકના કુલ ગુન્હા-૫૩ નો વિદેશી દારૂની નાની મોટી બોટલો નંગ- ૩૨૬૧ કી.રૂ.૭,૩૦,૬૭૫ની કીમતનો વિદેશી દારૂ સબ ડીવીઝન મેજીસ્ટ્રેટ એચ.કે. આચાર્ય તથા નાયબ પોલીસ અધીક્ષક પી.એ.ઝાલા તથા નશાબંધી અને આબકારી વિભાગ સબ ઇન્સ્પેકટર વિજયસિંહ ચૌહાણ તથા પી.આઇ. એમ.વી.પટેલની રૂબરૂમાં નાશ કરવામાં આવેલ છે.
- text
- text
