- text
મોરબીના કાલિકા પ્લોટમાં રહેતા શખ્સનું નામ ખુલ્યું
વાંકાનેર : રાજકોટથી વાયા વાંકાનેર થઈ મોરબી દેશી દારૂની ડિલિવરી કરવા જતા કાર ચાલકને વાંકાનેર તાલુકા પોલીસે અરણીટીંબા ગામના પાટિયા પાસેથી ઝડપી લઈ કાર સહિતનો મુદ્દામાલ કબ્જે કર્યો હતો.
વાંકાનેર તાલુકા પોલીસે અરણીટીંબા ગામના પાટિયા પાસે વોચ ગોઠવી ટાટા ઈન્ડિગો કારમાં 300 લીટર દેશી દારૂ લઈને નીકળેલા મૂળ ભાવનગર જિલ્લાના વતની અને હાલ રાજકોટ ભવાનીનગર વિસ્તારમાં રહેતા અજયભાઇ ભાણાભાઇ શીયાળને 300 લીટર દેશી દારૂ સાથે ઝડપી લીધો હતો.
પોલીસની પ્રાથમિક પૂછતાછમાં દેશીદારૂનો આ જથ્થો મોરબી કાલિકા પ્લોટમાં રહેતા રોહીતભાઇ જીવણદાસ દુધરેજીયાને આપવા જતો હોવાની કબૂલાત આપતા પોલીસે કાર સહિત કુલ એક લાખ છ હજારનો મુદ્દામાલ કબ્જે કરી આરોપીની ધરપકડ કરી મોરબીના રોહિતને ફરાર દર્શાવી ઝડપી લેવા કાર્યવાહી હાથ ધરી છે.
- text
મોરબી અપડેટના વિડિઓ ન્યુઝ અને સ્પેશિયલ માહિતીપ્રદ વિડિઓ સ્ટોરી જુઓ Morbi Updateની યૂટ્યૂબ ચેનલ પર..
આપના મોબાઈલમાં યૂટ્યૂબની એપ્લીકેશન ઓપન કરી તેમાં Morbi Update સર્ચ કરી અમારી ચેનલ સબસ્ક્રાઇબ કરીને બેલ આઈકન પર ક્લીક કરવા વિનંતી..
- text
