- text
ટંકારા : ટંકારામાં એક બાળક લાપત્તા થઈ ગયેલ હતો. આ બાળકને ટંકારા પોલીસે શોધી કાઢી પરિવારને સોંપી ઉમદા કામગીરી કરી હતી.
- text
ટંકારામાં ઉગમણા નાકા વિસ્તારમાં રહેતા જગદીશ કરશનભાઇ જાદવનો પુત્ર કાંતિલાલ ઉર્ફે કાનો (ઉ.વ. 10) શનિવારે બપોરે બે વાગ્યાના સુમારે ઘરેથી નિકળી ગયો હતો. બાદમા પરીવારના સભ્યોએ તપાસ કરી હતી. પરંતુ બાળક ના મળતા પરિવારે મહિલા ફોજદાર એલ. બી. બગડાને મળી વાત કરી હતી. જેના અનુસંધાને ટંકારા પોલીસે ચાર જુદી-જુદી ટીમો બનાવી તપાસ હાથ ધરી હતી. ત્યારે ટંકારાના જી.આર.ડી.ના જવાન તોફિક બુકેરા અને રવિ પરમારની નજર બાંકડા નીચે સુતેલા બાળક ઉપર પડતા ગુમ થયેલ બાળક હેમખેમ મળી આવ્યો હતો. બાદમાં ટંકારા નાઈટ પેટ્રોલીંગ માટે આવેલા ડિ.વાઈ.એસ.પી. રાધિકાબેન ભારાઈ તથા સ્ટાફે બાળકને તેના પરિવારને સોંપ્યો હતો. જેથી, માતા-પિતાએ પોલીસ અને જવાનોનો આભાર વ્યક્ત કર્યો હતો.
- text
