- text
વાંકાનેર : વાંકાનેર નજીક ટેન્કરે બોલેરોને હડફેટે લેતા બોલેરો પલટી મારી ગયો હોવાનો બનાવ સામે આવ્યો છે. જેમાં બે વ્યક્તિને ઇજા પહોંચતા તેમને સારવાર હેઠળ ખસેડવામાં આવ્યા હતા. આ મામલે વાંકાનેર તાલુકા પોલીસ મથકે નોંધ કરી આગળની કાર્યવાહી હાથ ધરી છે.
પ્રાપ્ત થતી વિગત મુજબ વાંકાનેર બાઉન્ડરી પાસે આવેલા ઓવરબ્રિજ ઉપર જીજે 12 બીવી 2658 નંબરના ટેન્કરે જીજે 13 એ ડબ્લ્યુ 1042 નંબરના બોલેરોને હડફેટે લીધો હતો. જેથી બોલેરો પલટી મારી ગયો હતો. આ અકસ્માતમાં ધરમશીભાઈ પ્રેમજીભાઈ માલકિયા ઉ.વ.42 અને રમેશભાઈ બાબુભાઇ બાવળિયા ઉ.વ.24ને ઇજા પહોંચી હતી. જેથી તેઓને તાત્કાલિક હોસ્પિટલમાં ખસેડવામાં આવ્યા હતા. આ બનાવ અંગે ધરમશીભાઈએ વાંકાનેર તાલુકા પોલીસ મથકે ફરિયાદ નોંધાવતા પોલીસે ટેન્કર ચાલક નરભેરામ પરશુરામ સાધુ ઉ.વ.45 સામે ગુનો નોંધી આગળની ધોરણસરની કાર્યવાહી હાથ ધરી છે.
- text
- text
