- text
મોરબી : મોરબીમાં મુસ્કાન વેલ્ફેર સોસાયટી દ્વારા જરૂરતમંદ લક્ષ્મી સ્વરૂપ એક દીકરીને લગ્નસરાની ચીજ વસ્તુઓ જેવી કે ૧૩ નંગ સાડીઓ, ડિનર સેટ, કૂકર, જગ, તપેલીઓનો સેટ, ચાંદીની પાયલ સહીત અનેક જરૂરી નાની મોટી વસ્તુઓ આપવા સાથે અનોખી રીતે દિવાળી પર્વની ઉજવણી કરી હતી. આ ઉજવણી સાથે સંસ્થાની બહેનોના ચહેરા પર પણ ઉત્સવની અનેરી ખુશી અને પ્રસંગનો આનંદ એક સાથે જોવા મળ્યા હતા.
- text
અત્રે ઉલ્લેખનીય છેકે મુસ્કાન વેલ્ફેર સોસાયટી મોરબી દ્વારા આવા માનવ સેવા અને સમાજ સેવાના ઘણા કાર્યો કરવામાં આવ્યા છે. જેના દ્વારા સમાજના બધા લોકો પાસે આવી અપેક્ષા રાખે છે કે તેમને પણ આવા અમુક સમાજ સેવાના કાર્યો કરવા જોઈએ. આવા કાર્યો કરવાનું આશય આ સંસ્થાનું ફક્ત એટલું છે કે સમાજના બધા લોકોના મોં પર મુસ્કાન લાવી શકે. આ સાથે મુસ્કાન વેલ્ફેર સોસાયટી તરફથી મોરબી જીલ્લાના પ્રજાજનોને દિવાળી તેમજ નવા વર્ષ માટે નૂતન માટે શુભકામનાઓ પાઠવી છે. તેમ સંસ્થાની યાદીમાં જણાવાયુ છે.
- text
