- text
મોરબી : શ્રી લાલા જાગા મોચી સમાજ સેવા ટ્રસ્ટ- મોરબી દ્વારા મોચી સમાજ મોરબી માટે સરસ્વતી સન્માન સમારોહ અને સ્નેહમિલન કાર્યક્રમ યોજાયો હતો. જેમાં ધોરણ 1 થી 12ના તેજસ્વી તારલાઓને સન્માનિત કરવામાં આવ્યા હતા. તેજસ્વી વિદ્યાર્થીઓનું મેડલ અને શૈક્ષણિક કીટ આપી તેમજ પ્લે હાઉસના, એલકેજી, યુકેજીના તમામ બાળકોને શૈક્ષણિક કીટ આપીને સરસ્વતી સન્માન કરવામાં આવ્યું હતું.
આ કાર્યક્રમમાં નકલંક ધામ બગથળાના મહંત દામજી ભગતે તેમના આશીર્વચન પાઠવ્યા હતા અને ધારાસભ્ય કાંતિલાલ અમૃતિયાએ ટેલિફોનિક શુભેચ્છા પાઠવી હતી. મોચી સમાજના આગેવાનો, પ્રતિષ્ઠીત વ્યક્તિઓ અને દાતાઓના હસ્તે વિદ્યાર્થીઓને શૈક્ષણિક કીટ આપી સન્માન કરાયું હોવાનું લાલા જાગા મોચી સમાજ સેવા ટ્રસ્ટ-મોરબીના પ્રમુખ પંકજભાઈ ચૌહાણે જણાવ્યું હતું.
- text
- text
