- text
મોરબી : મોરબીના રવાપર ખાતે આવેલા મહાબલી હનુમાનજી મંદિરે ધામધૂમથી તુલસી વિવાહ યોજાયા હતા. આ તુલસી વિવાહમાં વરપક્ષ તરીકે મહાબલી હનુમાનજી મંદિર ભક્તજનો અને ગોપી મંડળ હતા જ્યારે કન્યા પક્ષમાં નીલાબેન પંકજભાઈ પંડિત સહપરિવાર જોડાયા હતા. તુલસી વિવાહમાં મહાબલી હનુમાનજી મંદિરથી જાન રવાપર-ઘુનડા રોડ પર આવેલા ઉમા હોલ ખાતે ગઈ હતી. જ્યાં જાનના વાજતે ગાજતે સામૈયા કરવામાં આવ્યા હતા. ત્યારબાદ શાસ્ત્રોક્ત વિધિ પ્રમાણે તુલસી વિવાહ યોજાયા હતા. આ તુલસી વિવાહ પ્રસંગે મોટી સંખ્યામાં લોકોએ હાજરી આપી હતી.
- text
- text
