- text
જોરદાર ટક્કર મારતા રીક્ષામાં બેઠેલા મુસાફરનો પગ કાપવો પડે તેવી સ્થિતિ
ટંકારા : બિસ્માર બની ગયેલા રાજકોટ – મોરબી હાઇવે ઉપર ઠેક ઠેકાણે ગાબડા પડી ગયા છે ત્યારે ટંકારાના વિરપર નજીક એક અજાણ્યા કાર ચાલકે રીક્ષાને જોરદાર ટક્કર મારતા રીક્ષા ચાલક સહિત ત્રણ વ્યક્તિને ગંભીર ઇજાઓ પહોંચી હતી. અકસ્માત બાદ કાર ચાલક નાસી ગયો હતો.
બનાવ અંગે જાણવા મળતી વિગતો મુજબ મોરબી – રાજકોટ હાઇવે ઉપર ટંકારા તાલુકાના વિરપર નજીક અજાણ્યા કાર ચાલકે જીજે -36 – ડબ્લ્યુ – 2170 નંબરની રીક્ષાને જોરદાર ટક્કર મારતા રીક્ષા રોડની સાઈડના પતરામાં ઘુસી જતા રીક્ષા ચાલક રણજીતભાઈ ગણેશભાઈ ડાભી ઉ.37 રહે.બરવાળા તા.મોરબી વાળાને તેમજ રીક્ષામાં બેઠેલા બે મુસાફરોને ઇજાઓ પહોંચાડી હતી.આ અકસ્માત બાદ કાર ચાલક નાસી ગયો હતો અને એક મુસાફરને તો પગ કાપવો પડે તેવી હાલતમાં મુકાયો હોવાનું સામે આવ્યું છે. હાલમાં અકસ્માત અંગે ટંકારા પોલીસે ગુન્હો નોંધી કાર ચાલકની શોધખોળ શરૂ કરી છે.
- text
- text
