- text
20 દિવસ પહેલા બનેલી ઘટનામાં ફરિયાદ નોંધાઇ
ટંકારા : ટંકારા લતીપર હાઇવે ઉપર 20 દિવસ પૂર્વે પોતાના પુત્રને ટ્યુશનમાં મુકવા જતા મહિલાને બાઈક ચાલકે પાછળથી હડફેટે લઈ ઇજાઓ પહોંચાડતા પોલીસ ફરિયાદ નોંધાઇ છે.
બનાવ અંગે જાણવા મળતી વિગતો મુજબ ટંકારાના લક્ષ્મીનારાયણ મંદિર નજીક રહેતા પ્રીતિબેન મયંકભાઈ ત્રિવેદી ગત તા.24 ઓક્ટોબરના રોજ પોતાના પુત્રને ટ્યુશનમાં મુકવા જતા હતા ત્યારે જબલપુર ગામના પાટિયાથી ટંકારા તરફ આવતી વેળાએ જીજે – 03 – એચબી- 2499 નંબરના બાઈક ચાલકે પાછળથી ઠોકર મારતા રોડ ઉપર પડી જતા પ્રીતિબેનને હાથ તેમજ પગના ભાગે ઇજાઓ પહોંચતા બનાવ અંગે બાઈક ચાલક વિરુદ્ધ પોલીસ ફરિયાદ નોંધાઇ છે.
- text
- text
